«كانت مفهماني إنها بتصلح بينا».. ريهام للقاضي: غاب يومين ورجع متجوز صاحبتي
استقرار تام عاشته ريهام مع زوجها بمنزل الزوجية لمدة 6 سنوات متفاهمان يتغاضون عن أي شيء يخرب عليهم حياتهما السعيدة، بدأت المشكلات تعرف طريق حياتهما بعدما دخلت صديقتها المقربة في أدق تفاصيل حياتها وهنا كانت بداية خراب عش الزوجية الذي انتهى على أعتاب محكمة الأسرة.
أعطت "ريهام" الأمان لصديقتها التي ظنت أنها لم تخذلها في يوم من الأيام، وكانت النتيجة في النهاية خذلان تعرضت له من قبل صديقتها وزوجها، تبدأ الزوجة في رواياتها والحسرة تملأ وجهها على حياتها التي انقلبت ر أسًا على عقب بعدما كانت مليئة بالاستقرار فقالت: "كان جارنا ونعرفه من زمان وأهلنا كانوا يعرفوا بعض، وجه أتقدم لي أهلي فرحوا أوي عشان عارفينه إنه رجل محترم، واتخطبنا وكل الناس في المنطقة عندنا كانت عارفة هو بيحبيني إزاي، وحتى لما اتجوزنا كانوا برضوا بيعمل لي كل اللي انا عايزاه وكل اللي يشوفنا كان بيحسدني على حبه ليا".
حياتي باظت من ساعة ما صاحبتي دخلت فيها
استمرت حياتها السعيدة على هذا النمط من التفاهم والحب المتبادل لـ 6 سنوات كاملة، بدأت الحياة تأخذ شكل أخر بعد ما قررت صديقتها التدخل في حياتها الشخصية بينها وبين زوجها، تابعت: "فضلت حياتنا هادية وزي الفل وفجأة لقيت صاحبتي بقت تسألني كل شوية على جوزي وانتوا عاملين إية مع بعض وبقت بتقول لي أعملي كذا ومتعمليش كذا وأنا كنت واثقة فيها وعارفة إنها مش هتاذيني وكنت بسمع كلامها وأنا مغمضة ومن ساعتها واحنا بقينا نخانق كتير أوي، وكان لما يبقى في خناقة كانت هي اللي بتكلمه".
غاب يومين ورجع لقيته متجوز صاحبتي
تغير الزوج في معاملته معها ما جعلها تشك أنه يوجد أمر غريب تريد معرفته، وعندما بحثت في الأمر وجدت أن زوجها يتحدث مع صديقته في إطار شخصي جدًا وعندما صارحته قال لها أنه مجرد كلام عادي، ولكن تكرر الحديث بينهما أكثر من مرة بهذا الشكل ما جعل المشادات والخلافات تزداد بينهما بشكل غير طبيعي، تستكمل ريهام: "لقيت الموضوع بيزيد بينهم وكل ما أكلمه يقول لي دا كلام عادي مفيش حاجة، لحد ما في مرة لقيته بيقول لي انا هيبات برا يومين تلاته استغربت عشان عمره ما قال لي إنه هيبات برا الشقة دي خالص، لما رجع مسكت موبايله منوراه عشان أقلب فيه وأعرف هو كان فين"
تختتم حديثها قائلة: "ياريتني ما عرفت كان فين، كان بيتجوز صاحبتي، مصدقتش نفسي وكنت بمتمنى اللي شوفته دا يكون غلط بس للأسف طلع صح واتجوزها، معرفش إزاي جالها قلب تعمل فيا كدا"، عزمت الزوجة على الطلاق ولكن الزوج رفض ما جعلها تتخذ طريق محكمة الأسرة لـ إقامة دعوى طلاق لعله يكون الحل لتتخلص من زوجها وصديقتها الخائنان.
تابع أحدث الأخبار عبر
