رفع عليها سكينة يوم وفاة ابنها.. أم أميمة للقاضي: جوز بنتي بيهددها إنه يقتلها بعد ما موت عيالهم
في عشريناتها خسرت «أميمة» طفليها وحرق زوجها قلبها عليهم، فتوفت ابنتها التي كانت تبلغ 9 أشهر فقط ولم تشبع منها، وبعد شهر توفى ابنها 4 سنين، وكان سبب وفاة الطفلين المخدرات التي كان يشربها زوجها أمام أطفالهم، ولم يكفي زوجها الحسرة التي عاشت فيها بسببه، بل يريد أن يدمر ما تبقى منها.
لم يكفي زوج «أميمة» العذاب الذي جعلها تمر به أثناء زواجهم أو حرقة قلبوها على طفليها بل يريد أن يقتلها هى وابنتهم المتبقية على قيد الحياة، عاشت «أميمة» مع زوجها 6 سنوات وتحملت مالم يستطيع أحد تحمله حتى لا تخرب بيتها، ولكن إدمان زوجها للمخدرات دمرها وحسرها على طفليها ولجأت في النهاية لمحكمة الأسرة لتتخلص منه وتنقذ ابنتها قبل أن تموت مثل اخواتها.
اقرأ أيضا
قالت «أم أميمة»: بنتي مات لها بنت عندها 9 أشهر بسبب التهاب رئوي، وبعد شهر مات ابنها اللي عنده 4 سنين بسبب تسمم في الدم، واكتشفنا إن الإتنين ماتوا بسبب المخدرات اللي أبوهم بيشربها قدامهم، لما بنتي حكتلي وقالتلي بنبقى قاعدين في الشقة ويشرب مخدرات قدام العيال والشقة ضيقة ولما اتكلمت معاه اتخانق معايا وقالي ملكيش دعوة انتي.
«أم أميمة»: رفع عليها وعلى بنتها السكينة بعد موت ابنه بيوم
تابعت «أم أميمة»: بعد موت ابنه بيوم رفع عليها وعلى بنتها السكينة بيهددهم إنه يقتلهم وكان شارب مخدرات، يوم عزاء ابنها جوزها دخل شرب حاجة في البلكونة، وطلع مسك بنتي شتمها وضربها قدامنا كلنا، وقالها انت اللي موتي عيالي وأنا هطلقك، قالتله أنت اللي موتهم، بسبب الزفت اللي كنت بتشربه لكن ده أمر ربنا وأنا مش هعترض زيك.
«أم أميمة»: لما اتكلمت مع جوز بنتي قال يا أطلقها يا أموتهالك
أكملت الأم: حاولنا نصلح بينهم ماحنا مش عارفين ايه اللي بيحصل طول السنين دي وقولنا هو نفسيتهم تعبانة بسبب موت عيالهم، لكن لما اتكلمت معاه قال يا أطلقها يا أموتهالك ومرعاش حرقة قلب بنتي على عيالها، ورمى عليها يمين الطلاق قدامنا، ولقيتها فجأة انفجرت فيه وقالت أنا ماصدقت اخلص منك، أنا بقالي 7 سنين مستحملة قرفك بتشرب وتيجي تضربني وتبهدلني وأنا مكنتش بحكي وبسكت عشان ماخربش بيتي بس أخرتها عيالي ماتوا بسببك.
اقرأ أيضا
«أم أميمة»: خفت لو بنتي فضلت معاه يموتها زي ما موت عياله
تابعت الأم كلامها وهى تبكي وقالت: لما سمعت الكلام اللي بنتي قالته اتصدمت قلتلها ازاي استحملتي كل ده، وخلتها عندي وقلت مش هرجعاله تاني أبدا خفت تموت زي عيالها، مرضيش يطلقها ودي ويسيب بنتها وقالها مش هتشوفي البنت تاني وبنتي كان قلبها محروق على بنتها الباقية لها في الدنيا، رفعنا قضية ضم وخدنا البنت ومن ساعتها بقى وهو بيهددها بالقتل هى والبنت، ورفعت عليه دعوى خلع عشان خلاص عايزة تخلص من العذاب ده وتلحق بنتها الفاضلة قبل ما تموت زي أخواتها.
تابع أحدث الأخبار عبر
