نسمة في دعوى تمكين: طردني من بيتي واتجوز عليا بعد ما أخيرًا حملت
زواج أقارب كانت الطريقة التي تزوجت بها «نسمة» من زوجها وكانت كل أملها أن يصبح لها أسرة وبيت معه ويعيشوا حياة سوية دون مشاكل لكن القدر كان له رأي أخر.
تزوجت «نسمة» من ابن خالتها وتوسمت أن يكون ضهرها وسندها في الدنيا ، وبعد زواجهم كانت الأمور مستقرة لفترة، حتى واجهوا أنه لم يرزقهم الله في أول سنين زواجهم بنعمة الاطفال وبعد سنين من المحاولات والمشاكل بسبب الخلفة رزق الله الزوجين بنعمة الاطفال، ولكن لم تكتمل فرحة «نسمة» فبعد شهور فقط من ولادتها طردها زوجها وتزوج بأخرى وجعلها تلجأ لمحكمة الأسرة لتحصل على حقوقها.
كان نفسي يبقالي عيل في الدنيا
قالت «نسمة»: اتجوزت من ٧ سنين، و سيبت جوزي من ٨ شهور بس ،أنا من الأقصر واتجوزت ابن خالتي وهو كان شغله هنا ونقلت وجيت عشان اعيش معاه هنا في القاهرة، أول ما اتجوزنا الدنيا كانت كويسة ومكنش في مشاكل، لكن محملتش أول ما اتجوزت واعدت سنين محملتش وكان نفسي يبقى عندي عيل.
بعد حصول الحمل أخيرا المشاكل زادت
تابعت الزوجة: ست سنين جواز مخلفناش وطول الست سنين دول المشاكل كانت بتزيد مبتقلش، بسبب الخلفة وبسبب ان مكنش في تفاهم وفي بينا مشاكل طول الوقت، وبعد ماربنا كرمنا واخيرا حصل جمل قلت وقتها ربا يهديه لكن بالعكس المشاكل زادت أكتر واكتر وبقت توصل للضرب والبهدلة كسر فرحتي بالحمل اللي كنت مستنياه.
اقرأ أيضا
طردني من البيت واتجوز بعد ١٥ يوم
أضافت «نسمة»: بعد ما ابني بقى عنده سبع شهور جوزي عمل معايا مشكلة وطردني من البيت، مكملش ١٥ يوم واتجوز عليا في شقتي، الست اللي اتجوزها جارتنا، حاولت اني اتكلم معاه انه يرجعني هو رافض اني ارجع، وسابني ومطلقنيش.
رافض يرجعني بيتي أو يطلقني وراميني
أكملت «نسمة» كلامها ودموعها على خدها: بالرغم اني وافقت ارجع ويبقى ليا ضره هو اللي رفض اني ارجع وقال مش عايزك ﻻ انتي وﻻ ابنك، وسابني أنا وابني مبيسألش علينا خالص، واتجوز في شقتي اللي طردني منها، أنا مش عايزة حاجة أنا عايزة حقي، وكل لما اجي المحكمة يطلبوا مني ورق زيادة والإجراءات مبتخلصش.
تابع أحدث الأخبار عبر
