طلع زير نساء.. سعاد بدعوى خلع: « اترفد من شغله بسبب نزواته اللي مبتخلصش»
سعاد مثلها مثل أي فتاة كانت تحلم بعش بالاستقرار مع أبن الحلال ولكنها اصطدمت بزوج عاشت معه سنوات من الخيانة من أجل بيتها “ متخربهوش" .
داخل محكمة الأسرة والدموع تنهمر من أعينها سرحت سعاد بأفكارها وأحلامها التي تبخرت ولم تكن تظن في يوم من الأيام أنها ستقف في هذا الموقف لتطلب النجاة بما تبقي من حياتها من جحيم الزوج الخائن الذي يتلزز بخيانته لها والذي لا يلتفت لشيء سوى نزواته فكان كلها أمل بأنه يتغير ولكن كل يوم يؤكد لها أن اختيارها خاطئ من البداية خصوصًا بعد ما علمت أنه تم رفده من الشغل بسبب نزواته وهذا هو الذي جعلها تلجأ لـ محكمة الأسرة لرفع دعوى خلع.
تغاضت الزوجة مرات لا تعد ولا تحصى عن خياناته على أمل أن حاله ينصلح ولكن كان حاله يتدهور ويتمادى في خياناته المتكررة، تبدأ سعاد تروي قصتها لـ "الحادثة": "المفروض إننا متجوزين عن حب ، وكنا في الخطوبة الناس بتحسدنا على علاقتنا اللي الناس كلها كانت بتشوف بنفسها هو إزاي بيحبني، بس كل ده اتغير من ساعة ما اتجوزنا، على طول عايز يبقى برا البيت".
من أول سنة في الجواز وهو مقضيها
كشفت خياناته لها في السنة الأولى من الزواج ، ولكنها تغاضت حتى لا تخرب حياتها الزوجية في بداياتها، وظنت أنها تكون مرة عابرة فقط ولكن المرة أصبحت مرات عديدة، أضافت سعاد: "في أول سنة لينا في الجوز قفشته بيخوني بس ده كان كلام عادي على التليفون بس وعديتها ، وهو قال لي خلاص مش هعمل كدا تاني ، بس بعد كدا بقي كل شوية اقفشة مع واحدة شكل" ، تستكمل رواياتها : "كل مرة يقول لي خلاص ويرجع برضوا يكلم دي ودي، ومهما اتخانقنا واسيب له البيت وامشي هو برضوا مبيتغيرش ولسه زي ما هو حتى بعد ما خلفنا عيل والتاني مبيراعيش خالص إن في عيال ولازم يخلي باله من تصرفاته علشانهم".
فضيحته بجلاجل في الشغل
تابعت سعاد: "كنت فاكره إن أنا وبس اللي عارفة خياناته دي بس طلعت فضيحته بجلاجل في الشغل وكل الناس اللي معاه في الشغل عرفت إنه كل يوم مع واحد شكل، ورفدوه بسبب الستات اللي بيكلمها ليل ونهار دي"، تختتم سعاد حديثها والدموع تنهمر من أعينها : "مفيش فايدة فيه خلاص وأنا مش عايزة حد يعاير العيال بكلمة واحدة بس بسبب ابوهم الخائن، فاض بيا وجيت ارفع دعوى خلع عشان اخلص من قرف اللي مستحملاه من أول الجواز وساكتة".
تابع أحدث الأخبار عبر
