«متجوزني مصلحة».. منى في دعوى طلاق: مخلصة كل مرتبي عليه وعلى ديونه
دعوى طلاق لجأت إليها "منى" بعد ما أدركت أن زوجها يستغلها ويأخذ منها أموالها بحجة أنه في حاجة لها، في البداية لم تفكر في الأمر وكل الذي شغل تفكيرها هو مساعدة زوجها، ولكن الموضوع تخطى حدود المساعدة وأصبح استغلال صريح حتى علمت أن الأموال الذي يستولى عليها منها لكي يسدد ديونه.
منى في دعوى طلاق: مخلصة كل مرتبي عليه وعلى ديونه
اكتشفت الزوجة بعد فترة من الزواج أنها مجرد وسيلة ليأخذ منها كل الأموال الذي يريدها ويسدد بها ديونه، أرادت الانفصال في بداية الامر ولكنها تراجعت وقررت ان تعطيه فرصة أخرى ولكنها كانت مخطئة لأنه كرر استغلاله وأصبحت عادة بالنسبة له.
"متجوزني مصلحة عشان عارف إن بابا معيشني في مستوى كويس جدًا" هذه أول عبارة بدأت بها منى تروي قصتها للقاضي مؤكدة على ان زوجها من عائلة مستواها المادي جيد.
تابعت الزوجة: "هو معانا في منطقة واحدة بس وعارفين عيلتهم إنهم كويسين جدًا ومحترمين، جه أتقدم لي واتخطبنا وبعد 6 شهور اتجوزنا، وبعد الجواز كان كويس معايا في الأول وكل اللي أنا عايزاه بيدهولي"، مضيفة: "أنا بشتغل وكان معايا مصاريف ومكنتش بطلب منه حاجة عشان كدا كدا بيبقى معايا مصروفي، هو اللي كان بيدني فلوس من غير ما اطلب وكنا كويسين الحمدلله مع بعض وكل حاجة ماشية تمام".
متجوزني مصلحة
ظنت الزوجة أن حياتها الوردية تستمر كثيرًا ولكنها لا تعلم أن هذه الحياة السعيدة بداية لفخ نصبه الزوج لها، في يوم طلب منها مبلغ من المال لأنه يريده ضروري، فأعطته دون تفكير ولكن تكرر هذا الموقف أكثر من مرة، بدأت تشعر أنه يوجد شيء غير مريح في طلبه المتكرر للأموال، أضافت منى: "في يوم طلب مني فلوس عشان محتاجها وقال لي إنه مزنوق، اديته الفلوس من غير ما أفكر، بس شهر وجه تاني وقال لي إنه عايز فلوس تاني اديته برضو من غير ما أفكر".
دعوى طلاق
استكملت الزوجة قصتها قائلة: "بدأت أحس إن في حاجة غريبة لما بقى يطلب مني فلوس كتير وأنا خلاص بقيت مخلصة كل مرتبي عليه ومش معايا أي فلوس تاني، اتأكدت إن في حاجة بقى واتخانقت معاه وقلت له بتودي الفلوس دي كلها فين قالي ملكيش دعوة وضربني".
علمت الزوجة في النهاية أنها مجرد وسيلة لسداد ديون الزوج، ما دفعها تلجأ لمحكمة الأسرة لرفع دعوى طلاق لتنهي حياتها الزوجية، ولا تزال الدعوى منظورة في المحكمة حتى الآن.
تابع أحدث الأخبار عبر
