سهيلة في دعوى طلاق: ممكن أبيعه هدومه لكني هعمل حساب للعشرة
وقعت «سهيلة» في حب شخص وتمنت من الله أن تعيش حياتها معه وتنجب منه أولاد وتربيهم بينهم في بيت يملئه الحب والمودة لكن تدخل اخوات زوجها في حياتهم دمر حبهم ودمر أسرته وتركها وحيدة والدموع على خدها.
تزوجت «سهيلة» من 10 سنين من شخص وكانت بينهم قصة حب كبيرة وكانوا لا يتفرقوا عن بعضهم أبدا وأنجبت منه ثلاثة أطفال وكانت حياتهم طبيعية وسعيدة مثل أي زوجين، ولكن اخوات زوجها ظلوا وراء أخيهم حتى خربوا بيته، وعاملوا زوجته معاملة سيئة حتى عندما عاملتهم «سهيلة» بالحسنى وكانت لا تريد سوى عيش حياتها مع من اختاره قلبها.
«سهيلة»: جوزي طلقني عشان اخواته اللي قالوله
قالت «سهيلة»: كنت أنا وجوزي بنحب بعض جدا مكناش بنقدر نعد في حته من غير بعض اتجوزته 10 سنين ومتوقعتش أنه يعمل معايا كدة بعد كل اللي مرينا بيه، الحياة في الأول كانت كويسة ومكنش في مشاكل غير العادية وكنا بنحلها بينها لحد ما في مرة حصل بينا مشكلة وكانت تافهة واخواته اتدخلوا فيها واكتشفت بعد فترة انه طلقني بسبب المشكلة دي وبسبب ان اخواته اللي قالوله.
تابعت «سهيلة»: عنده اتنين اخوات بنات طول عمرهم مبيتمنوش الخير لينا، بعد ما طلقني وعشان يخلوه ينساني جابوله شغل سفروه بره وسابني انا وعياله، اعد سنة مطلقني ولما بعد عنهم كلمني وقالي انه بيحبني وعايز يردني وانا رجعت عشان مخربش البيت ولأني كنت لسه بحبه.
اقرأ أيضا
أكملت «سهيلة»: فضلنا سنين بيسافر يشتغل ويرجع كل فترة العيال كانوا صغيرين كنت انا اللي بربي وعايشالهم أب وأم ومحدش وقف معايا، كان بيصرف علينا على القد ولما اساله فين الفلوس يقول عامل جمعية مع اخواتي طب فين الجمعية دي يقول اتصرفت او سلفت اخواتي ،كانوا واخدين كل فلوسه وفي الاخر يقولوا خد حق التذكرة كأنهم بيشحتوه.
قالت «سهيلة» عن أفعال إخوه زوجها التي كانت لاتحتمل:مخلوش معاه حاجة كان ليه حتى أرض اللي ابوه سايبهاله اخته قالتله متكتبهاش لعيالك دول بنات انت عايز راجل غريب يدخل وياخد الأرض وخلته باع الأرض لأبنها،اخته التانية كانت بتعد عندي بالشهور وتعاملني اسوء معاملة وهي في بيتي استحملت كل حاجة عشانه وعشان بناتي لحد ما اكتشفت هو بيعمل ايه من ورايا.
اقرأ أيضا
«سهيلة»: اكشتفت انه بيخوني بعد 10 سنين جواز
أنهت «سهيلة» كلامها وتحدثت عن خيانة زوجها وقالت: بعد كل اللي استحملته وعشات معاه فيه، اكتشفت انه بيخوني شفت حجات على موبايله وبالرغم منه كدة سامحته وقلتله عيش وسط بناتك محتاجينك جنبهم عايزين حد يطبطب عليهم وملهمش حد غيرك لكنه رفض وأصر يكمل فاللي بيعمله، وأخته قوته وخليته يسيب البيت واقنعته انه يتجوز تاني، دلوقتي أنا رافعة دعوى طلاق لأني خلاص كرهته ومبقتش عايزة أكمل معاه، عاملي توكيل ممكن أخد منه كل حاجة لكني مقدرش أعمل فيه كدة عشان العشرة والبنات اللي بينا.
تابع أحدث الأخبار عبر
