بعد 20 سنة جواز.. هيام: سابني عشان واحدة عرفها على النت
تعرضت «هيام» للخيانة من زوجها الذي نسى كل سنوات العشرة التي عاشوها سويًا وبنوا فيها بيتهم، وانجبوا أبنائهم الذي ربوهم سويًا، ودمر حياتهم وأسرتهم بسبب نزوة، وهى الآن تحاول أن تعطي أولادها حقوقهم من والدهم الذي نسى وجودهم .
"مكنتش عايزة ابهدل جوزي في المحاكم عشان ابن عمتي، و أنا براعي الأصول" هذا ما بدأت به «هيام» كلامها من أمام محكمة الأسرة ، عن زوجها الذي تزوجته وهي في بداية حياتها، وظنت أنه قريبها فلن يغدر بها أبدًا، وعاشت معه سنين وظنت أنها متأكدة بشأنه، لكن بعد عشره ٢٠ سنة استيقظت «هيام» على خيانة زوجها لها، وتركه لها ولأبنائهم من أجل سيدة أخرى، ولم يسأل عليها ولا على أولادهما منذ طلاقهما.
«هيام»: استحملته ٢٠ سنة عشان العيال
قالت «هيام»: اتجوزت من ٢٠ سنة وجوزي كان ابن عمتي، الحياة معاه مكنتش كلها سعيدة بس كنا عايشين كنت بعدي المشاكل بينا عشان خاطر الولاد، لما كنت اسيب البيت يرجع ويصالحني، ومفيش أسبوع يعدي وترجع المشاكل تاني، كان بيصرف علينا على القد، وأنا كنت بشتغل في محل بتاعي وبصرف على العيال وعلى البيت وكنت بساعده.
«هيام»: عرف واحدة عليا من على النت
تابعت «هيام»: اكتشفت انه يعرف واحدة عليا عرفها عن طريق النت، لما كانت بتكلمه في التليفون، ويقوم يرد عليها في الفجر، ولما واجهته اني أعرف، حصل مشكلة ورفض انه يسيبها وسابنا ومشي، وبعد فترة اتجوزها عليا، وفضلت سنتين على ذمته، اطلقت لما رفعت عليه دعوى خلع.
اقرأ أيضا
«هيام»: قفلي المحل اللي بشتغل فيه عشان يذلني
أضافت «هيام»: من ساعة ما اطلقت وهو مبهدلني أنا وعياله، قفلي هو وأهله المحل اللي كنت بشتغل وأصرف بيه على ولادي عشان يذلني، بس أنا اشتغلت عشان أصرف على عيالي وبنتي الكبيرة جوزتها من غير ما أخد منه جنية، ٩ سنين متطلقة ومرفعتش عليه دعوى نفقة، مكنتش عايزة أبهدله في المحاكم وبراعي الأصول، بس رفعتها دلوقتي عشان ولادي الصغيرين ليهم حق ولازم ياخدوه منه، حاولت معاه انه يصرف عليهم من غير محاكم، لكنه رفض، وقالي لو عايزين ياكلو ابعتيهم ياكلوا عندي، كان بيشوف عياله كل فين وفين وبطل خالص، لو اشوفو في الشارع يعمل ميعرفنيش.
تابع أحدث الأخبار عبر
