فلوسه كلها على المخدرات.. مروة في دعوى نفقة: أمه اللي بتصرف علينا
يدفع الأهالي ثمن أخطاء أبنائهم وبدلًا من أن ينصحوهم ويقوموهم، يتدخلوا على أمل أن ينقذوا حياتهم ولكنهم يدمروها وهم لا يدركون، كما حدث في حالة «مروة» فكان تدخل حماتها لتنقذ حياتها مع ابنها ما هو إلا آخر مسمار دقته في نعش نهاية زواجها، و أوصلها هذا التدخل في النهاية لمحكمة الأسرة.
زوجها غير قادر على تحمل المسئولية
تزوجت مروة لمدة 13 عام ومنذ زواجها علمت أن زوجها شخص غير قادر على تحمل المسئولية، اكتشفت كذبه عليها وعلى أهلها وأن عمله الذي كان يعمله في فترة الخطوبة كان عمل مؤقت من أجل أن يخدع أهلها حتى يوافقوا على الزواج، عاشت «مروة» وحاولت إصلاح زوجها وأنجبت طفلين وكانت تعيش بما يعطيه لها زوجها، لكن فوق تحملها لطبعه أنه لا يصرف عليها أو على أولادهم ولا يبقى في عمل أكثر من أسبوع، دخل شبح المخدرات حياتهم ودمرها، وعندما فاض الكيل بها اضطرت أن تلجأ لمحكمة الأسرة لتتخلص من حياتها مع زوجها.
اقرأ أيضا
«مروة»: شغله في الخطوبة بيضحك عليا أنا وأهلي بيه
قالت «مروة»: اتجوزت من 13 سنة وعرفني عن طريق واحدة صاحبتي، في فترة الخطوبة كان بيشتغل ومكنتش أعرف إنها كانت منظر بس علشان يضحك عليا أنا وأهلي ونوافق عليه، ومعرفتش كدة غير بعد ما خلفت، واكتشفت إنه بيشتغل أسبوع وعشرة لا، وكل مكان يروحه يطرد منه، مكنش بيقدر يدفع الإيجار فرحنا نقعد في شقة أهله مع أمه بعد وفاة والده ومن ساعتها أمه هي اللي شايله مصاريف الأكل والشرب مكانه عشان عارفة هو بيعمل إيه وقلت أعيش وأربي عيالي باللي هي بتصرفه علينا.
«مروة»: كان بيقولي كلام أوحش مليون مرة من الضرب
تابعت «مروة»: رما الدنيا كلها على أمه، ومن 5 سنين بقى يشرب مخدرات واتحول وبقى بني آدم تاني، كان بيضربني الأول ولما أهلي وقفوا في وشه، بطل يضربني خالص ولكن كان بيقولي كلام أوحش من الضرب، حاولت معاه مرة واتنين وتلاتة إني أصلح حاله لكن مفيش فايدة.
اقرأ أيضا
أكملت «مروة» كلامها وقالت: كنت بسيب البيت وكل مرة يرجع ويقول هيتحسن وهيشتغل ويرجع تاني أسوء من الأول لكن مفيش فايدة، طلبت منه الطلاق كذا مرة ودي من غير مشاكل لكن رفض لحد ما زهقت منه ومرديتش أن ولادي يكبروا يشوفوا المنظر ده ويبقوا زيه، دلوقتي أنا والعيال عند أهلي مبيصرفش عليهم خالص، وأنا عمري ما اشتغلت ولا اعرف أروح في حته لوحدي، وأمي بتصرف علينا ورافعة عليه دعوى خلع ودعوى نفقة.
تابع أحدث الأخبار عبر
