«خدعنا مظهرها».. الحاجة سميرة: جتلي جلطة بسبب اللي مرات ابني عملته فيا
سيدة على مشارف الستين جلست على أعتاب محكمة الأسرة وفي عينيها الدموع والحزن على ابنها الذي تدمرت حياته بسبب زوجته، كانت الأم مع ابنها لتقدم له المساعدة ولكن عند الكلام معها تجد أنها تحتاج من يمسح دموعها ويطمئنها.
عندما كبر ابن «الحاجة سميرة» وقرر أن يخطب ويدخل عش الزوجية ساعدته أمه وبنت له شقة في بيتها حتى يتزوج فيها، وبعد فرحة «الحاجة سميرة» بزواج ابنها ورؤيتها لها وهو عريس تحولت حياتها لألم مستمر بسبب زوجه ابنها وحماته الذي لم يريدوا الخير لها أو لابنها وفي النهاية أوصلوهم لمحكمة الأسرة، ولازالت الأم تحاول أن تصلح حياة ابنها على أمل أن تراه سعيد ويطمئن قلبها عليه.
اقرأ أيضا
اتخدعنا في مظهر مرات ابني
قالت «الحاجة سميرة»: «ابني اتجوز من 5 سنين وجاب عيلين، مراته قبل الجواز كانت نسمة وملاك ومفيش أي مشاكل معاها من ساعة ما اتجوزت واتحولت وبقت بني ادمه تانية كل كلامها الكويس معايا اتغير مطلعتش لا حنينه ولا بتتقي الله ولا بتصلي وكل الحاجات اللي كانت قبل الجواز اختلفت واتخدعنا في مظهرها، كنت بعتبرها زي بنتي وبعاملها زيهم وهي عمرها ما عاملتني كويس مكنتش بترمي عليا السلام وهي عايشة معايا في نفس البيت».
جتلي جلطة بسبب اللي مرات ابني عاملته فيا
تابعت «الحاجة سميرة»: «كنت بخدمها في بيتها أول ما اتجوزت ابني واعملها الأكل وأقول مش مشكلة كله عشان خاطره وهي عمرها ماكانت بتقولي كلمة كويسة، لكن أمها هي اللي كانت بتخرب عليها كانت بتقومها عليا وعلى ابني وتقولها عامليهم وحش، كانت بتعزم أهلها ليل ونهار وأنا وعيالي متحرم علينا نخش شقة ابننا، جتلي جلطة بسبب الزعل وبسبب اللي هي موريهاوني أنا وابني».
اقرأ أيضا
أكملت «الحاجة سميرة» والدموع في عينها: «في يوم كنت زعلانة بسبب أنها بقالها فترة عاملة مشاكل مع ابني وبتعاملني وحش، رحت أعد عند بنتي شوية سمعت صوت خناقة خرجت أشوف لقيت الناس بتقولي الحقي أهل مرات ابنك ماسكين ابنك وبيضربوه، جريت وأنا مرعوبة على ابني، طلع ان حصل مشكلة بسبب أن ابني بيقول لمراته متحكيش كل أسرار بيته لأمها وهي طبعا رفضت وراحت حكت لامها اللي قاله عليها وجت أمها واتهجمت علي بيت ابني وخدت بنتها وعياله وسابوا البيت ومشيوا».
أنهت «الحاجة سميرة» كلامها وقالت: «رفعت على ابني دعوى نفقة بعد ما سابت البيت وخدت العيال ودهبها وسرقت فلوسه اللي كان شايلها في البيت، عايزه عشان ترجع وتاخد شقة بره البيت اللي احنا عايشين فيه، ابني قلبه بيتقطع على عياله اللي مش عارف يشوفهم بسببها».
تابع أحدث الأخبار عبر
