«عايشين مع همجي».. هبه في دعوى طلاق: حبسنا أنا والعيال من غير أكل وشرب
لجأت "هبه" لدعوى طلاق بعدما فشلت كل المحاولات مع زوجها الذي تحولت معاملته معها بطريقة مفاجأة دون أي مبرر، في البداية كان الضرب يحتمل وبعد فترة أصبحت تعيش مع همجي يحبسها هي والأولاد لأيام بدون طعام، هذا هو الذي جعلها تلجأ لرفع دعوى طلاق بعد ما طلبت من الطلاق بالتراضي بينهما ولكنه رفض.
كان حياتنا زي الفل
"كان ملاك في الخطوبة وكل الناس كانت بتحسدني عليه حتى بعد ما اتجوزنا والدنيا كانت ماشية تمام بس فجأة ومن غير أي حاجة لقيته بيتغير عليا وأنا مش فاهمة إيه اللي حصل وحياتنا كلها بقت عبارة عن خناقات ومشاكل ليل ونهار بس"، هكذا بدأت هبه قصتها مؤكدة على تغير زوجها المفاجئ مع العلم أنه كان في بداية الزواج شخص أخر يرعى الله فيها ويخاف على زعلها.
تابعت: "أول سنتين في الجواز كانت الدنيا ماشية تمام وربنا رزقنا بابني الأول، كان بيحب يقعد معانا طول اليوم وما بيصدق يرجع من الشغل عشان يبقى في وقت يقعد معانا، دلوقتي مبقاش عايز يقعد خالص في البيوت وأول ما يرجع من الشغل ينزل على طول على القهوة".
بيحبسني أنا والعيال في البيت من غير اكل وشرب
بعدما لاحظت الزوجة تغير الزوج المفاجئ حاولت تهدئة الأوضاع ومجاراة الأمور ولكن كان الزوج هو الطرف الذي يجعل الأمور تتصاعد في كل مرة بسبب تصرفاته الغريبة التي جعلتها ت فكر في الانفصال وتطلب منه الطلاق بعدما حبسها هي والأولاد في المنزل دون طعام، تابعت هبه: "كنت في الأول بقول أكيد مشاكل وكنت بحاول أفهم ماله بس كل ما أجي اكلمه يتعصب عليا ويضربني، عديتها مرة واتنين بس خلاص جبت أخري معاه ومش قادرة استحمل العيشة دي".
أضافت: "في يوم بعد ما نزل الشغل لقيته حابسني أنا والعيال ولما قلت له حابسني ليه قال لي هو دا إذا كان عاجبك، كنت فاكره مرة وخلاص لقيته كل يوم وهو نازل يقفل عليا أنا والعيال بالمفتاح، وكمان مفيش اكل ولا شرب في البيت ليا انا والعيال"، لجأت هبه لمحكمة الاسرة بعد رفض الزوج الطلاق ورفع دعوى طلاق منذ شهرين ولا تزال الدعوى منظورة حتى الآن.
تابع أحدث الأخبار عبر
