«بيصورها ويوريها لصحابه».. أم نور للقاضي: "جوز بنتي ضربها وطردها بجلابية البيت"
تزوجت «نور» ابن عمها لمدة 10 سنين وتحملت الضرب والإهانة وعاشت لتربية أولادها ولتخدم زوجة عمها وتعاملها بالحسنى لكن زوجها وعائلته لم يقدروا تضحياتها وزاد زوجها في الافتراء عليها وتعذيبها حتى هربت من هذا الجحيم لتنقذ نفسها وأولادها الثلاثة.
تواجدت أم نور مع ابنتها في محكمة الأسرة لأن ابنتها التي مازالت في أول الثلاثين رفعت دعوى ولاية تعليمية حتى تستطيع إدخال أولادها المدرسة ليمضوا بحياتهم ويكون مستقبلهم أحسن من مستقبلها.
أم نور: بنتي استحملت جوزها 10سنين ولما تعبت منه مشيت ومرجعتش تاني
قالت أم نور: «اتجوزته من عشر سنين ومن أول الجواز كان بيضربها ويبهدلها وكل شوية مشاكل وتغضب عندي بالشهور وميجيش ياخدها بيديها خمسين جنيه في اليوم عشان تصرف على 3 عيال وكان أكلها كان كله من عندي، ومش عايز يعلم العيال كانت بتخدم أهله وتعد مع أمه مرات عمها تخدمها وفي الأخر محدش وقف معاها، كانت بتتحمل عشان خاطر عيالها وعشان متخربش بيتها، ولما تعبت منه مشيت ومرجعتش تاني».
رغم تحمل “نور” لزوجها عندما فاض بها الكيل وأخذت قرار تركه لم تعود له أبدا وغيرت حياتها وحياة أولادها للأفضل ولم تستسلم لعنف زوجها وقسوته.
تابعت “أم نور” متذكرة اليوم الأليم وقالت: «في أخر يوم لبنتي مع جوزها مسكها ضربها بسبب مشكلة حصلت وبنتي جريت في الشارع بجلابية البيت وجاتلي، قلبي وجعني عليها وقلتلها مش هرجعك ليه أبدًا أنا معنديش غيرها، ضربها وطردها بجلابية البيت وصورها وكان بيوري الصور لصاحبه وبيتريق عليها مرات صاحبه هي اللي قالتله عيب كده مينفعش دي مراتك وهي اللي بعتت الصور وبنتي قررت مترجعلوش من ساعتها لأنه ملوش أمان».
أم نور:جوز بنتي ندم على اللي عمله معاها
أضافت والأمل في عينيها: «بعد اللي حصل خلعته وشافت حياتها ودلوقتي خدت شقة وبتشتغل وتصرف على ولادها وكملت تعليمها، اتقدم لها عرسان كتير لكن هي عايشة عشان تربي عيالها بتقول مفيش راجل هيربي ولادي وأنا مستغناش عن ولادي عندها بنتين وولد كبروا دلوقتي وبقوا يفرحوا القلب، جوزها اتجوز بعد ما بنتي سابته بشهرين وبعد كدة حاول يرجعها وندم على اللي عمله معاها وأهله ندموا على اللي عملوه معاها أنهم مكنوش بيقفوا معاها، لكن بنتي رفضت ترجعله مهما حصل».
تابع أحدث الأخبار عبر
