ناصرة بدعوى خلع: «بقاله 20 سنة ميعرفش عننا حاجة وبيجي البيت عشان حقوقه الشرعية وبس»
أقلبت سيدة نحو محكمة الأسرة وعلى وجهها هموم 20 عام تحملها معها وهي تحكي للقاضي قصتها من زوجها الذي لا يعرف شيء عنها هي وأولادها طوال عشرين عام، فكانت تصبر وتدعى لعل حاله ينصلح ، ولكن مع مرور الوقت كان كل شيء يزداد سوءً ما دفعها في نهاية المطاف لرفع دعوى خلع لتنقذ حياتها وحياة أولادها.
بيجيلنا البيت زيارات
"بقاله 20 سنة ميعرفش عننا حاجة أنا والعيال وأنا اللي شايلة كل حاجة في البيت وهو مبيعملش حاجة وبيروح ويجي علينا زيارات كدا بس".. هذه أول كلمات ناصرة في قصتها مع زوجها عديم المسئولية الذي قرر رمي زوجته وأولاده لسنوات طويلة دون الالتفات لاحتياجاتهم ومتطلباتهم، وتكمل الزوجة باقي فصول قصتها قائلة: "اتجوزته وأنا عارفة إني الزوجة التانية وكنت راضية عادي ومفيش حاجة والأولى دي كانت قبلي بـ 3 سنين، ومن ساعة ما اتجوزنا وأنا عايشه معاه في مشاكل بسبب إنه مبيقعدش معانا في البيت ولا يعرف حاجة عن العيال".
مبيفكرش في حاجة غير في حقوقه الشرعية
تابعت: "المشاكل زادت في خامس سنة جواز واتطلقنا بس ردني تاني ويقعد فترة قاعد معنا وبعد كدا يختفي ومشفهوش تاني، وأنا اللي بقيت متوليه كل حاجة في البيت من ناحية المصاريف وكل حاجة العيال بيطلبوها".
ظلت المشكلات تتصاعد بينهما بسبب استمرار الزوج على هذا الحال وهو لا يعرف شيء عن منزل الزوجية وأولاده ، ويأتي لهم في المنزل زيارات مثله مثل الغريب، وكل الذي يريده وشاغل تفكيره هو حقوقه الشرعية لا شيء أخر، أضافت الزوجة: "بقيت اتخانق كتير بس بعد كدا سبته مرضتش اتطلق قلت يمكن يتصلح حاله بس مفيش فايدة هو هو برضوا يغيب يغيب ويرجع يطل علينا شوية وخلاص، وبقا كل ما يجي يقول لي أنا عايز حقوقي الشرعية، وأنا مبقتش طيقاه خلاص".
دعوى خلع بمحكمة الأسرة
قررت الزوجة رفع دعوى خلع بعد 20 عام من المعاناة مع زوجها قرر إهمال زوجته وأولاده لا يعرف عنهم شيء، إذ كانت الزوجة هي الأم والأب لهم وبعد محاولات عديده معه كان هذا هوالحل الصائب لها، انهت صابرة حديثها: "خلاص تعبت ولما لفيت مفيش حاجة بتتغير رفعت قضية خلع، بما اني كدا كدا أنا اللي مسئولية عن العيال والبيت وهوميعرفش اي حاجة يبقي خلاص .
تابع أحدث الأخبار عبر
