«جبروت امرأة».. مصطفى: "قفشتها مع عشيقها راحت رفعت عليا طلاق للضرر"
حياة زوجية سعيدة استمرت لـ 5 سنوات ولكن تفاجأ الزوج بتغير زوجته في المعاملة معه، ما دفعه للتساؤل عن سبب التغيير، وبدأ التفتيش في هاتفها المحمول ووجد الصدمة الكبرى أنها على علاقة مع رجل آخر، وعندما علمت بمعرفته لجأت لمحكمة الاسرة ورفع دعوى طلاق للضرر حتى لا تخسر حقوقها.
مصطفى:"قفشتها بتخوني راحت رفعت عليا طلاق للضرر"
تعرض “مصطفى” لغدر من زوجته التي ظنها السند لها وشريكته المخلصة في الحياة ولكنها اكتشف أنها لا تعرف أي شيء عن الإخلاص، وعلى الرغم من أنه الطرف المظلوم في القصة إلا أنه وجد نفسه أمام محكمة الأسرة ومرفوع عليه قضية طلاق للضرر.
كنت بحاول أرضيها بكل الطرق
بدأ الزوج يروي قصته للقاضي من ظلم زوجته الخائنة قائلًا: "كنا عايشين أحلى حياة مدة خمس سنين وفجأة لقيتها اتغيرت معايا خالص ومبقتش طايقة لي كلم، بدأت استغرب من معاملتها عشان مكنتش معايا كدا خالص قبل كدا".
حاول الزوج إرضاء زوجته بكل الطرق من خلال جلب الهدايا لها ولكنها مستمرة في معاملتها ما دفع الزوج يلجأ للحل الأخير وهو التفتيش وراء سبب تغيرها، مضيفًا: "حاولت معها بكل الطرق إني أرضيها بس برضوا مفيش فايدة وكلامها كله معايا من تحت ضرسها، لما لقيت الموضوع زاد عن حده، مسكت الموبايل بتاعها أقلب فيه وشوفت اللي مكنتش اتخيله أبدًا".
قفشتها بتخوني رفعت علي قضية طلاق للضرر
أضاف الزوج وعلى وجهه علامات الصدمة بسبب ما فعلته زوجته: “قلبت في الموبايل وشفتها بتكلم واحد بقالها فترة والكلام بينهم واصل لمرحلة مش كويسة خالص، ولما جيت أكلمها اتخانقت معايا وقالت لي أنا مبقتش أحبك خلاص”.
أكمل حديثه: "سابت البيت وراحت عند أهلها، و بعد أسبوع لقيت إعلان جايلي من المحكمة إنه مرفوع عليا قضية طلاق للضرر، مفهمتش بالظبط وجيت المحكمة عشان أفهم إيه اللي حصل عرفت إنها رافعة على قضية طلاق للضرر وجايبة شهود زور عشان يقولوا إني ضربتها".
اختتم الزوج حديثه في ذهول: "لحد دلوقتي مش مصدق اللي هي عملته فيا ومش عارف استوعب اللي حصل وإنها كمان تفتري علي وتجيب شهود زور عشان تقول إني ضربتها وعشان تأخد كل حقوقها".
تابع أحدث الأخبار عبر
