المخدرات لحست دماغه.. وفاء بدعوى خلع: « بيضربنى قدام عيالي وجري ورايا بالسكينة في الشارع»
عش زوجية مثالي دام لأكثر من 20 عام، زوج صالح يراعي زوجته وأولاده حنون عليهم وزوجة صالحة شاركت الزوج في كل المواقف الصعبة قبل السهلة، فكانت حياتهما محط أنظار لأشخاص كثيرون بسبب تفاهمهما لكن كل شيء انقلب رأس على عقب بعد ما اتجه الزوج للمخدرات دون مراعاة العواقب، وكانت دعوى الخلع هي طوق النجاة الوحيد لها.
"بيضربنى قدام عيالي اللي أطول مني" هذه أول عبارة بدأت بها وهي تروي قصتها للقاضي عن زوجها الذي تحول لوحش منذ معرته بطريق المخدرات التي قلب حال المنزل لجحيم بعد ما كانت تنعم الزوج بحياة هادئة مستقرة مع زوج يرعى الله فيها وفي الأولاد طوال 20 عام".
تابعت حديثها لـ "الحادثة": "بقالنا عشرين سنة متجوزين وكل حاجة كانت تمام وحياتنا ماشية زي الفل وهو راجل مفيش منه اثنين حنين معيا ومع العيال ، وكل الناس كانت بتحسدنا عليه"، أضافت: "كانت كل حاج تمام لحد ما عرف المخدرات والقرف ، ومن ساعتها وحياتنا اتشقلبت بقا واحد تأني غير اللي لاحنا عارفينه على طول زعيق وضرب على أي حاجة والخناقات بقيت طول الوقت".
حياتنا اتشقلبت من سنة
تحول مريب شهدته الحياة الزوجية لوفاء وزوجها منذ سنة واحدة بسبب المخدرات التي اعتمدها الزوج في حياته مرة واحدة دون مراعاة العواقب الناتجة عنها مثل المعاملة الرئيسية والضرب التي تشهده كل يوم منه، فكانت في كل مرة تتغاضى عن المشكلات التي بدأت من سنة، تابعت: "بقا كل ما أجي أكلمه في أي حاجة يتخانق معيا ويضربني والخناقات بقت بتكبر والجيران بقوا يتدخلوا يدافعوا عني وفي مرات كتير كنت هموت في أيده".
أضافت الزوجة: "في كل مرة كنت ببقى عايزة انفصل بس أهلي كانوا بيقولوا لي مينفعش عشان عيالك الكبار وأنتي كبرتي خلاص عيشي واستحملي ، وكنت بستحمل عشان عيالي فعلا بس الموضوع بيزيد كل فترة عن الفترة اللي قبلها وبقوا يشوفوا امه كل يوم بتضرب قدامهم كل يوم".
جري ورايا بالسكينة
أكملت حديثها قائلة: "فضلنا على كدا فترة كبيرة وكل مرة بقول فيها خلاص أخر مرة ويتعدل بس مفيش فايدة برضوا، وقررت خلاص إني لازم انفصل عن الحياة اللي كلها قلة قيمة دي"، أوضحت الزوجة سبب قرارها الحتمي بالانفصال قائلة : "في يوم كنا بنتخانق ولقيته جاب السكينة وجري ورايا في الشارع والجيران حاشته عني بالعافية، ومن يومها وأنا قررت إني مش راجعة البيت تاني أبدًأ".
توجهت وفاء لمحكمة الأسرة ورفع دعوى خلع بعد ما أدركت أن الخطر يحاوطها هي وأولادها الثلاثة بسبب تهور الزوج، ولا تزال الدعوى منظورة في المحكمة حتى الآن.
تابع أحدث الأخبار عبر
