دعاء في دعوى خلع: «خاني مع طوب الأرض وختمها بصاحبتي»
تزوجت دعاء من حب عمرها فكانت تحلم باليوم الذي يجمعهما عش زوجية واحد ليعشوا في سعادة غامرة ، ولكن كل الأحلام هدمت عندما اكتشفت خيانة زوجها ، ومن هنا انقلبت حياتهما رأس على عقب بسبب خيانته المتكررة التي اختتمت صديقتها في النهاية ما دفعها ترفع دعوى خلع.
"من أول الجواز وأنا كل شوية أقفشه مع واحدة" تعددت هذه هي العبار ة الأولي لدعاء وهي تسرد قصتها ومعاناتها مع زوجها من بداية الزواج بسبب خيانته المتكررة لها".
تابعت دعاء : "متجوزين عن قصة حب كبيرة بينا ، الناس كلها كانت بتحلف بيها من كتر حبنا لبعض، إتخطبنا بعد الكلية الحمد لله وقعدنا سنتين وكنا عايزين نخلص الشقة بسرعة عشان نتجوز"، "إتجوزنا وكنت بحمد ربنا إني إتجوزت اللي بحبه، وكنت فاكره إن حياتنا هتبقى وردي بس كنت غلطانة للأسف بسبب اللي شوفته منه من أول الجواز".
اكتشفت الزوجة حقيقة الزوج
"خاب ظن الزوجة في إنها ستعيش حياة وردية بعد أول شهر في عش الزوجية بسبب خيانته الذي كشفتها الزوجة من بداية الزواج، أكملت دعاء حديثها: "ما صدقنا اتجوزنا وبقينا عايشين مع بعض في بيت واحد لإن دا اللي كنا بنحلم بيه بقالنا سنين بس بعد اللي اكتشفته منه خلاني أقول يا ريتني ما حبيته، كنت ماسكة موبايله عادي بقلب في الصور لقيت صور ة ليه مع واحدة".
“تابعت والحسرة تملأ وجهها على حب عمرها”: "مصدقتش نفسي طبعًا ودخلت على الواتساب أعرف أي حاجة وأشوفه بيخوني ولا دي صورة عادية قديمة، شفت الواتساب وشفت اللي مكنتش عايزة اشوفه، شفت صورة البنت اللي معا في الصورة على الواتساب ودخلت الشات شفت خروجات وحاجات كتير".
صدمة العمر في الزوج والصديقة
"ظنت الزوجة أنها نزوة لن تتكرر لذلك سامحته على خيانته لها ، لكن للأسف تكررت خيانته مرات لا تعد ولا تحصى والمفاجأة الكبرى كانت مع صديقتها، أضافت: “سامحته وعديت الموضوع عشان ميحصلش مشكلة وكنت فاكرة إنها مرة وتعدي بس اتكرر الموضوع كتير بعد كدا وكل مرة يجي يقولي دي أخر مرة، كنت بصدقه عشان بحبه” .
أكملت دعاء قصتها والدموع في عينيها: "مقدرتش أعدى الموضوع واعتبر إن مفيش حاجة حصلت المرة دي، سبت البيت على طول ومشيت وطلبت منه الطلاق بس هو رافض وعنده أمل إني هعدي الموضوع زي المرات اللي فاتت بس مش هعرف المرة دي"، أصرت الزوجة على الانفصال ولكن الزوج رفض ما دفعها تلجأ لمحكمة الأسرة بالجيزة وترفع دعوى خلع منذ 3 أشهر ولا تزال القضية منظورة في المحكمة حتى الآن.
تابع أحدث الأخبار عبر
