مرفت في دعوى طلاق: «فتحلي دماغي عشان مرضتش اعمله كوباية شاي»
جلست سيدة في أوائل الثلاثينات وعلى وجهها كل علامات الحسرة والندم على حظها الذي مال في زوجها ، بسبب ما فعله بها من ضرب وإهانة طوال سنوات الزواج ما دفعها ترفع دعوى طلاق لتتخلص من حياتها البائسة معه.
"من أول الجواز ومعاملته زي الزفت" هكذا بدأت مرفت حديثها تروي قصتها للقاضي ومعاناتها التي دامت طوال فترة الزواج، مؤكد على معاملة الزوج الجيدة لها قبل الزواج".
فتحلي دماغي عشان مرضتش اعمله كوباية شاي
أضافت: "اتخطبنا سنتين وطول السنتين كان كويس جدًا معايا وبيعمل لي كل اللي أن عايزاه وأهلي كانوا بيحبوه وشايفينه راجل محترم وكويس ، وكان معروف عنه في المنطقة إنه ميعرفش حاجة غير الشغل".
مرفت في دعوى طلاق
تابعت: "في كام شهر في الجواز وهو كويس معايا زي الخطوبة بس بدأ يتغير في المعاملة وبقا يزعقلي ويضربني على أي حاجة، اتخانقت معاه كتير وسبت البيت بس برضوا مفيش فايدة وبيزيد كمان في الضرب ليا".
المخدرات خلته واحد تانى
"كل يوم ضرب ضرب وماكنتش تعرف الزوجة ما سبب التغير المفاجئ للزوج ، ولكنها اكتشفت أنه يتعاطى المخدرات، "مكنتش فاهمة إيه سبب تغيره معايا بس لما لقيته بيسهر كتير برا عرفت إنه بقا بيشرب مخدرات ، ولما قلت له أنت بتشرب مخدرات قالي دي تفاريحي بس، ضربه ليا زاد وبقا على طول عصبي".
تابعت: "قلت طالما بيشرب تفاريحي بس خلاص بس لما لقيته بيضربني بأي حاجة قدامه بدأت أخاف على العيال حتى قلت له ا ضربني أنا بلاش العيال، مرة كنا بنتخانق وحدفني بالكوباية عشان مرضتش أعمله كوباية شاي".
“في كل مرة كانت تنوي الزوجة الطلاق كان الأهل يمنعوها من أجل الحفاظ على عش الزوجية، ومن أجل أولادها”، "سبت البيت كتير عشان ضربه ليا وكنت عايزة اتطلق بس كل مرة أهلي يمنعوني ويقولولي لا بلاش تخرب بيتك وحافظي على البيت والعيال".
تابعت: "كنت بسمع كلامه ومبرضاش أطلب الطلاق في كل مرة بس لما لقيته بيضرب العيال على أي حاجة يعملوها مقدرت ش استحمل وسبت البيت ومشيت وطلبت منه الطلاق بس هو موافقش وقالي لو عايزاني اطلقك ابريني"، لجأت الزوجة لمحكمة الأسرة ورفع دعوى طلاق على زوجها بسبب ضربه لها وإهانتها طوال الوقت، ولا تزال القضية منظورة في المحكمة حتى الآن.
تابع أحدث الأخبار عبر
