نوال في دعوى طلاق : "إخوات جوزي خربوا بيتي وخلوه يتجوز عليا"
دعوى طلاق لجأت إليها نوال، بعد زواج عن قصة حب كبيرة بين الزوجين فكانا كل أملهما أن يجمعهما عش زوجية واحد، تحققت أمنيتهما، لكن الأحلام تنتهي في أوقات كثير بكابوس كبير.
نوال في دعوى طلاق
ذلك عندما قرر الزوج الزواج من أخرى بسبب إنجاب الزوجة للبنات فقط، ما دفع الزوجة لطلب الطلاق ولكنه رفض ما جعلها ترفع دعوى طلاق.
"اتجوز عشان يجيب الواد اللي بيحلم بيه" بدأت نوال تروي قصتها مؤكدة على معاملة الزوج الجيدة لها من أول الزواج وأنه زوج وأب مثالي لكنها لا تعلم ما الذي غير كيانه مرة واحدة، حاولت اكتشاف سبب التغير وتوصلت حاولت اكتشاف سبب التغير وتوصلت إلى أنه يريد إنجاب ولد لأنه لا تنجب إلا بنات فقط.
أضافت: "كان بيحبني أوي من قبل الجواز وحمدت ربنا إننا اتجوزنا لإن أنا كمان كنت بحبه أوي وكان بيعاملني أحسن معاملة، اتجوزنا وكان برضوا لسه كويس معايا في المعاملة ولسه بيحبني وأنا حبيته بعد الجواز أكتر بسبب معاملته ليا".
تابعت: "فضل كويس معايا لحد ما خلفت أول بنت لينا وكان معندوش اعتراض وكان مبسوط بس اخواته البنات قعدوا يقولوا له خلفت بنت لازم تتجوز عليها عشان تجيب الواد للعيلة".
خشيت الزوجة من أن يتزوج من أخرى
خافت الزوجة من كلام شقيقات الزوج بسبب إنهم يريدون أنه يتزوج مرة أخرى من أجل إنجاب الولد، أضافت: "من ساعة ما خلفت بنتي الأولى وأخوات جوزي مش عاجبهم وعايزيني أجيب ولد يا إما يتجوز عليا عشان يجيب الواد، قلت لجوزي أنت ممكن تتجوز عليا قالي أنا بحبك ومش هفكر في حاجة زي كدا ومش فارق معايا تخلفي ولد ولا بنت".
تابعت: "حملت تاني ولما عرفت إني حامل في بنت كنت خايفه من اخواتهن وفعلًا أول لما عرفوا إني حامل في بنت قالوا له لازم تتجوز عليها هو رفض وقالهم إنه بيحبيني، بس شوية كدا لقيته اتغير معايا وبقا مش عايز يتعامل معايا".
إخوات جوزي خربوا بيتي
لا تعلم الزوجة سبب تغير الزوج المفاجئ ولكنها بعد ما انجبت البنت الثانية علمت جيدًا أن شقيقاته هم من جعلوه يتغير في المعاملة مع زوجته بسبب انجابها لبنت للمرة الثانية، مضيفة: "كان بيقول إنه مش فارق معاه اخلف بنت ولا ولد وإنه بيحبني وأنا صدقته عشان كنت شايفه هو بيحبني قد إيه بس فجأة لقيته اتغير معايا في المعاملة وبقا بيزعق لي ويتخانق معايا على أي حاجة".
تابعت: "مكنتش عارفة ليه متغير معايا بس بعد فترة اخته كانت عندي وهي اللي قالت لي إنه هيتجوز عليا عشان يجيب الولد اللي نفسه فيه، أنا مصدقتهاش في الأول بس لما كلمته قالي أه هتجوز عشان عايز أجيب ولد سبت له البيت".
تعجبت الزوجة من رد الزوج لأنها كانت لا تتوقع أنه يفكر في الزواج من أخرى بسبب حبهما الشديد، لكن عندما سمعت أنه يريد الزواج من أخرى تركت المنزل عسى أن يتراجع عن قراره، بعد شهرين فقط سمعت عن خبر زواجه، ما دفعها أن تطلب الطلاق لكنه رفض ويريد أن تبريه من كل شيء، ما دفعها لرفع دعوى طلاق منذ 3 شهور ولا تزال القضية منظورة في المحكمة حتى الآن.
تابع أحدث الأخبار عبر
