هيام في دعوى طلاق:« زوجي أكبر مني بـ 20 سنة وأنا عايزة شاب يدلعنى»
زوجات كثيرة تلجأ لمحكمة الأسرة وترفع دعوى طلاق بعد محاولاتهن الفاشلة في التأقلم مع أزواجهن الذين تزوجهن بناء على رغبة الأهل لا على حسب رغبتهن، لأنهم مقتنعون بأنه الزوج المناسب والمثالي لمجرد أنه يجني الكثير من المال.
"أهلي غصبوا عليا اتجوزه" هذه الكلمات الأولي لهيام وهي تسرد قصتها للقاضي مؤكدة على رفضها على إتمام الزواج من البداية لفرق السن الكبير بينهما ولكن الوالد أصر على إتمام الزواج، أضافت: "في يوم لقيت أبويا جاي وبيقولي أنا جايبلك عريس، معترضتش وقلت ماشي أقعد معاه وأشوفه واتصدمت لما قعدت معاه عشان لقيته أكبر مني بـ 20 سنة".
تابعت: "طبعًا رفضت وقلت لهم أنا مش موافقة بس أبويا قال لي مش هينفع دا معاه فلوس وهيعيشك عيشة كويسة، كنت مصممة على رأيي عشان مكنتش عايزاه بس أبويا وأمي قعدوا يقنعوا فيا".
إلحاح الأهل على الابنة
وافقت هيام على العريس بعد ضغط من الأهل وإلحاحهم الشديد على إقناعها به، أضافت: "كنت رافضة خالص في الأول بس كلهم قعدوا يضغطوا عليا في البيت عشان معاه فلوس وهيعيشني كويس ويجيب لي كل اللي نفسي فيه".
تابعت: "وافقت بعد ضغطهم عليا وقلت يمكن ربنا كاتب لي الخير معاه، وفترة الخطوبة كانت قصيرة جدًا واتجوزنا على طول بس مكنتش مبسوطة، من أول يوم جواز وهو مش حنين عليا ولا بيقعد معايا حتى في البيت".
أسلوب الزوج الجاف
تعجبت الزوجة بسبب أسلوبه الجاف معها من أول يوم في الزواج، أكملت الزوجة: "استغربت من أسلوبه معايا لإني مكنتش فاهمة دا ليه، ولما قلت له انت اتجوزتني ليه قال عشان عجبتيني بس مش أكتر قلت له طلقني طيب قالي لا أنا مبطلقش".
تابعت: "الحاجة الوحيدة اللي كان بيعملهالي إنه كان بيجيب لي كل اللي أنا عايزاه وعلى طول بيسيب لي فلوس كتير في البيت، بس على طول خناق عشان أنا وهو مفيش تفاهم بينا في أي حاجة ودا مصعب الحياة علينا جدًا وأنا مش عارفة استحمل أعيش كدا أنا عايزة شاب من سني".
أضافت: "سبت البيت وروحت عند أهلي وقلت لهم إني عايزة اتطلق قالوا لي لا مش هتتطلقي ولو اتطلقتي مش هنعرفك تاني، روحت رفعت قضية طلاق بقالي 5 شهور من غير ما أهلي يعرفوا"، ولا تزال القضية منظورة في المحكمة حتى الآن.
تابع أحدث الأخبار عبر
