نسمة للقاضي: ملوش شخصية قدام أهله وطردوني من بيتي وهو واقف يتفرج
منذ زواج «نسمة» بانت حقيقة زوجها أنه شخصيته أمام أهله منعدمة تماما ولا يأخذ أي موقف ليدافع عن زوجته أو عن نفسه حاولت «نسمة» أن تتعايش مع هذا الوضع لكن عندما فشلت لجأت لمحكمة الأسرة.
"من تاني شهر جواز وأنا في مشاكل مع أهله" هذا ما بدأت به «نسمة» حديثها عن حياتها مع زوجها الذي عاشت معه حياة ملأها القسوة من اهله عليها فكانوا يريدوها لهم خادمة ولم يعاملوها معاملة حسنة، وعندما رفضت الزوجة وصل بهم الأمر أن يتهجموا عليها ويضربوها ويطردوها من بيتها، كل هذا حدث أمام الزوج ولم يتخذ أي موقف أمام أهله ووصلت الزوجة لمحكمة الأسرة حتى تتخذ هي موقف أمام زوجها وعائلته الظالمين.
ضعيف الشخصية قدام اهله
قالت «نسمة»: أنا اعدت مع جوزي سنتين بس معايا منه بنت، الأول كان كويس ومفيش مشاكل لكن بعد كدة اكتشفت أنه ضعيف الشخصية قدام أهله، من تاني شهر جواز في مشاكل مع سلفتي ومع حماتي عايزاني انزل اشتغل عندها وانا كنت رافضة الموضوع ده.
كنت هسقط بسبب خدمه أمه
تابعت «نسمة»: حماتي كانت عايزاني اشتغلها في البيت، فضلت أمسحلها وانضفلها عشان قلت زي أمي لكن بعد كدة تعبت جدا، كنت بنضفلها واكنلسها وكنت هسقط بسبب الخدمة عند والدته، ولما تعبت رحت عشان ارتاح عند أبويا ساعتها جوزي كلمني وقالي تعالي أبويا تعبان وهيموت ولازم تزوريه بعد ما رحت لقيته بيكذبوا وابوه كويس وعمل معايا خناقة عشان عايزني ارجع اخدم عند حماتي.
أهله طردوني قدامه
أكملت «نسمة»: ابوه شتمني وبهدلني وكان عايز جوزي يطلقني، جوزي سابهم يبهدلوني ومتكلمش، ولما أبويا بيقوله عايز مراتك بص لأمه عشان يعرف منها يقول ايه، رجعتله ساعتها عشان كنت حامل في بنتي، ولما رجعت لقيتهم عايزني أخدم تاني ولما لقوني مش موافقة طردني أول يوم العيد واتهجموا عليا وضربوني لما رفضت اقبل شروطهم.
دعوى طلاق ونفقة
أنهت «نسمة» كلامها: من ساعة ما طردوني رفع عليا طاعة رفعت طلاق للشقاق وقضية نفقة عشان حق بنتي لأنه مبيسألش فيها، مجاش ساعة الولادة وموقفش جنبي ملوش كلمة أخوه متحكم في كل حاجة وجوزي لسه مبياخدش كلم قدامهم، وامه بتقولي هجوزه.