أهله هما اللي بيصرفوا علينا.. سحر: بتحايل عليه يشتغل زي بقية الرجالة
أرادت "سحر" أن تتزوج من رجل يتحمل مسئولية منزل وأولاد، فكانت متأكدة انها وجدت هذا الرجل عندما تعرفت على “مصطفى” زميلها في العمل الذي رأت فيه كل المواصفات التي بحثت عنها ما جعلها تتمسك بالزواج منه، فكانت الحياة الذي وجدتها في عش الزوجية غير التي رسمتها، فكانت النهاية غير متو قعة بالنسبة لها عندما لجأت لـ محكمة الاسرة من أجل رفع قضية طلاق.
رأت فيه أنه شخص مسئول فكان هذا الشيء الذي شدتها له، فكانت المفاجأة لها بعد الزواج أنها وجدت أنا تعيش مع رجل لا يريد تحمل المسئولية ويعتمد على أهله لتغطية مصروفات منزلهم، تستهل سحر قصتها وأول ما قالته: "عرفنا بعض من الشغل وكان باين عليه إنه شخص مسئول وبيشتغل وراجل كويس ومحترم جدًا، ودي كانت أكتر حاجة عجباني فيه عشان لما جه أتقدم لي وافقت على طول من غير ما أفكر بس ندمت بعد كدا".
أهله هما الي بيبصرفوا علينا
اصطدمت الزوجة بالواقع الذي واجهته من بداية الزواج بعدما اكتشفت الشخصية والجانب الأخر له ووجدت أنه رجل لا يعرف أي شيء عن المسئولية لا من قريب ولا من بعيد، تستكمل الزوجة رواياتها وتقول: "مكملناش كام شهر ولقيته قعد من الشغل معرفش ليه ولما قلت له إيه اللي اانت عملته دما وازاي تعمل كدا وهنصرف منين قال لي أهالي هما اللي هيصرفوا علينا"، تابعت: "كنت أنا لسة عارفة إن أنا حمل، قلت له وأهلك برضو هما اللي هيصرفوا على ابنك قال لي أه، وهو دا اللي حصل فعلًا شوية ياخد مصروف من أمه وشوية من أبوه، اتحايلت عليه ينزل الشغل ولو مش عاجبه الشغل دا يشوف شغل غيره المهم يشتغل بس هو كان بيقول لي هنزل اشتغل ليه وأهلي بيصرفوا علينا".
رفع قضية قضية
تكاسل الزوج عن العمل حتى بعد إنجابهما لطفلهما الأول، عندما وجدت أنه الزوج سعيد بهذا الوضع، قررت طلبت الانفصال لأنها أرادت أن تكون مسئولة من رجل، تختتم سحر قصتها وتقول: "كنت فاكرة لما اخلف هيتغير وهيبقى مسئول وهو الي هيحمل مسئولية ابنه، بس لقيته لسة مكمل بياخد فلوس من أمه وأبوه برضو، مش دا الراجل اللي كنت بحلم اتجوزه في يوم من الأيام، طلبت منه الطلاق بس هو مرضيش، ولما لقيته مصمم إنه ميطلقنيش رفعت عليه قضية طلاق ".
تابع أحدث الأخبار عبر
