سحر في دعوى خلع: بيتشطر عليا و بيضربني قدام أهله وأولادي
سنين عاشتها «سحر» مع زوجها ملأها الألم والمشاكل وكانت تأمل في يوم من الأيام أن يتحسن حاله ولكن بعد سنين من الألم النفسي والجسدي قررت أن تنقذ نفسها من الحياة معه.
كانت حياة «سحر» مع زوجها تتلخص في ألم وحسرة فكان زوجها يهينها ولا يحترمها ويضربها أمام أهله وأولادها، بدل أن يكون سند لها ويحميها ويقف أمام أهله عندما يسيئوا لها، بعد سنين عاشتها من الألم النفسي بسبب خلافتها مع الزوج وألم جسدي بسبب الأمراض التي أصابتها بسبب الحالة النفسية السيئة قررت الزوجة أن تنهي عذابها عن طريق محكمة الأسرة عندما وجدت أن لا يوجد أحد يقف بجانبها أو يقدر تضحياتها حتى أولادها.
دعوى خلع
قالت «سحر»: أنا اتجوزت من 2010 معايا من جوزي 3 أولاد، وسايباه من سنة ونص، هرفع عليه قضية خلع لأني مش قادرة أعيش معاه بيأذيني نفسيا قبل بدنيا بقاله سنين ، المشاكل بدأت من زمان كنت بتحمل عشان خاطر الولاد ميتبهدلوش.
مبيقفش معايا وبيجي عليا
تابعت «سحر»: ملوش شخصية مع أهله احنا كنا في بيت عائلة اتهانت قدمه كتير منهم ومبيقفش معايا، وعشان يبين رجولته يهني انا بيضربني قدام اهله وقدام العيال، كنت بسيب البيت بالشهور واعند عند أمي وارجع عشان خاطر العيال والمدارس.
جالي أمراض بسبب العيشة معاه
أضافت «سحر»: جالي ورم في الرحم ونزيف مستمر بسبب النكد اللي انا عايشة معاه فيه، في الأخر انا اللي بدفع تمن من صحتي لوحدي محدش حاسس بيا لما لاقيت حتى ولادي مش حاسين بيا أو مقدرين اللي بعمله عشانهم سيبت البيت وسيبتهم ومشيت هما مبقوش صغيرين.
مبيصرفش عليا جنيه
أكملت «سحر»: طول حياتي معاه أنا اللي بشتغل وبصرف على ولادي وعلى البيت لو جابلي علبة برشام عشان العلاج يذلني عليها، مخدتش منه قرش وصرفته على نفسي انا اللي بصرف على نفسي من شغلي، ولادي دلوقتي مع ابوهم وبشوفهم بس قليل، وانا عايزة اخلص من الحياة معاه، ومش هقدر ادخل البيت تاني بسبب اللي عملوا في هو وأهله، لازم اخلعه واخد حقي منه
تابع أحدث الأخبار عبر
