أخبار محكمة الأسرة
محكمة الأسرة .. هادية: أهل جوزي رافضين جوازنا وسرقوا حق ابني
تواجدت «هادية» في محكمة الأسرة كحل نهائي بعد المعاناة التي رأتها في حياتها، ولكن غير العديد من السيدات كانت القضية المرفوعة على والد الزوج الذي توفى بعد 9 أشهر فقط من الزواج، تاركا وراءه زوجته وأبنه في الحياة دون سند أو ضهر لهم، في مواجهه الأشخاص الذين طمعوا في أخذ حقهم.
حكايات محكمة الأسرة
منذ أن تعرفت «هادية» على زوجها وقعت في حبه وتزوجته بالرغم من رفض أهله الغير مبرر لها ولكن للأسف لم تكتمل فرحتها، قالت «هادية» في بداية حديثها: «أنا اتعرفت على جوزي عن طريق الشغل وكان جواز عن حب، من ساعة ما عرفت جوزي وأهله كانوا رافضين أننا نتجوز، كانوا مبيحبونيش من غير سبب، حاولت كتير معاهم أنهم يحسنوا علاقتهم بيا لكن مفيش فايدة.»
قصص محكمة الأسرة
أكملت «هادية» والحزن في عينيها على ما راته في حياتها وخسارتها لزوجها حبيب عمرها: «اتجوزنا من 11 سنة وجوزي مات من 10 سنين عشنا مع بعض 9 شهور بس، خلفت منه ولد واحد بس مات وانا حامل فيه، اتوفى فجأة كانت صدمة عليا مكنش تعبان أو فيه أي مشاكل.»
حوادث محكمة الاسرة
بعد خسارة «هادية» لزوجها وقبل أن تأخذ فرصة للتماسك وتكون سند لابنها الذي أصبح يتيم من صغره وليس له أحد في الدنيا غيرها، واجهت قسوة اهل زوجها عليها وسرقتهم لها ولحقها وحق ابنها…تابعت «هادية» قائلة: «كان في مشاكل مع أهل جوزي من قبل ما يتوفى وبعد ما اتوفى، ابني من ساعة ما اتولد وهو معايا بس محدش فيهم بيصرف عليه جنية انا اللي بشتغل وبصرف عليه بعد ما اتيتم وملوش حد في الدنيا غيري، واخدين حقي انا وابني ومدوناش أي حاجة ورث جوزي من ساعة ما اتوفى، والد جوزي واخد الوصايا على ابني .»
دعاوي محكمة الأسرة
أنهت «هادية» حديثها والحزن والحسرة في قلبها على ما شهدته في حياتها: «جيت المحكمة أرفع قضية نقل وصاية من جد ابني ليا، عشان أقدر أخد حق ابني اللي هما سارقينه مننا، وعايزة اخده واسافر وابعد عن كل المشاكل دي ومقدرش اخده بسبب انه في وصاية جده والد جوزي.»
تابع أحدث الأخبار عبر
