كمال للقاضي: أهل مراتي كانوا سبب خراب بيتنا.. وسرقوا ورث ولادي
العديد من السيدات يتواجدن في محكمة الأسرة ليحصلن على حقوقهن من أزواجهن ولا بتواجد العديد من الرجال الذين يرفعوا قضايا لكن هذه المرة تواجد رجل يبحث عن حقوق أبنائه.
تزوج «كمال» منذ سنين عديدة وكانت الحياة بينه وبين زوجته طبيعية في البداية ولكن بعد تدخلات عديدة من أهل الزوجة كانوا سبب في طلاق الزوجين وتدمير أسرتهم، وحاول «كمال» أن يحافظ على أسرته لكنه فشل وحاول بعدها أن يحافظ على نفسية أولاده قدر استطاعته، وبعد فترة توفت أم أبنائه ومن وقتها حاول أن يعوض أولاده عن خسارة أمهم، ولكنه واجه مشكلة عدم مقدرته على أخذ حق أولاده من ورث أمهم وتوجه لمحكمة الأسرة ليبحث عن حقوهم.
أهل مراتي سبب المشاكل
قال «كمال»: أنا اتجوزت من 20 سنة تقريبا وخلفنا ولدين، الدنيا الأول كانت كويسة ومفيش مشاكل لكن المشاكل بقالها كتير جدا من زمان، كانت بسبب أن أهلها بيتدخلوا في كل حاجة، وبيقولوا ليها كلام مش صح عني.
مكنتش عايز أطلق
تابع «كمال»: المشاكل كانت كتير بينا ومع الوقت كانت بتكتر عن الأول، أهلها كملوا يسلطوها وفضلوا وراها لحد ما خلونا نطلق، لما حصل قعدة بين كبار العيلتين، أهلها قالولي طلق وانا مكنتش عايز أطلق، والدي كان عايش وقالي مادام مش عايزة تعيش معاك طلقها.
اتوفت وسابت ولدين
أضاف «كمال»: طلقتها ومكنتش عايز أطلق، سيبت كل حاجة بتاعتي ومخدتش منها حاجة والولاد كانوا معاها، كنت بدفع نفقة للعيال وفضلت سنين أدفعها عشان ميكونوش محتاجين حاجة، لحد ماهي اتوفت من كذا سنة فاتو، والولاد معايا من ساعة ما اتوفت، متجوزتش وعايش اربي ولادي وبحاول أعوضهم عن خسارة أمهم.
ولادي مش عارفين ياخدوا حقهم من خالهم
أكمل «كمال» كلامه: التركة بتاعتها المفروض عيالها هياخدوها، لكن من ساعة ما اتوفت خال العيال خد ورق كل حاجة في حيازته ومداش ولادي حقهم في أي حاجة تخص أمهم، ليها بيت وانا مقدرش اروح أخد أي ورق منهم لأني مكنتش جوزها لما ماتت وهما علاقتهم بيا مش كويسة، وباجي محكمة الأسرة عشان أحاول اثبت حق ولادي من أمهم.
تابع أحدث الأخبار عبر
