سعاد في محكمة الأسرة: أهل جوزي بهدلوني عشان عايزة أحمي حق ولادي
كانت خلافات «سعاد» مع أهل زوجها عديدة بعد وفاة زوجها، لكنها لم تتوقع أبدا أن تصل في النهاية لمحكمة الاسرة بسبب أفعالهم القاسية التي لم تتوقعها منهم.
كانت صدمة «سعاد» بعد وفاة زوجها كبيرة وكان حزنها على زوجها كبير، فكان زوجها رجل محترم صانها ورعاها هي وابنائهم في حياته، فكان خير الزوج وخير الأب لذلك جلب خبر وفاته الألم والحزن على اسرته، ومنذ وفاة الزوج واجهت الزوجة مشاكل عديدة مع اهل الزوج الذي استغلوا وفاة الزوج وان الزوجة لا يوجد من يحميها، طردوا الزوجة وابنائها وسرقوا حقهم لسنين، حاولت الزوجة أن تصلح علاقتها بهم لكنها فشلت وتوجهت لمحكمة الأسرة عسى ان تجد حقها.
جوزي اتبهدلت من موته
قالت سعاد: أنا متجوزة من ١٨ سنة وجوزي مات من ٣ سنين خلفت منه٤ ولاد، جوزي كان راجل محترم وكويس مكنش مخليني محتاجة حاجة انا وعيالي كان بيشتغل ويصرف علينا، لحد ما جوزي تعب ومات كانت صدمة عليا، وزعلت جدا على موته انا وهو عشره سنين لما مات حسيت اني بقيت لوحدي في الدنيا، ولادي مبقاش ليهم حد غيري في الدنيا.»
أهل جوزي سرقوا حقي أنا وأولادي
تابعت سعاد: «من بعد وفاة جوزي المشاكل بدأت كان ليه ورث عربيات وبيت المفروض حقي انا واولادي، اهله سرقوا كل حقنا خدوا كل حاجة و طردوني أنا ولادي من بيتي مسابوش ليا حاجة و خدوا كل حاجة ورمونا كل ده بعد سنة بس من وفاه جوزي اللي هو ابنهم وعملوا كدة عشان كنت عايزة اكتب الشقة باسم عيالي واحفظ حقهم.»
دعوى نقل وصاية
أكملت سعاد:« أنا جيت المحكمة عشان ارفع على حمايا قضية نقل وصاية وابقى وصية على عيالي و أقدر اخد حق ولادي منه، هو كان كويس معايا جدا قبل وفاة جوزي بس بعد وفاته اتغير خالص ، انا مش عارفة ارجع بيتي واخد حاجتي لأنهم مدمنين مخدرات وبتوع مشاكل مش قادرة ارجع عشان هيبهدلوني في المشاكل، جوزي كان واقفلهم وبيحميني وهو عايش لما مات افتروا عليا.»
تابع أحدث الأخبار عبر
