بسمة بدعوى طلاق للضرر: «سقطني عشان مش عايز يكمل معايا»
بعد زواج «بسمة» اكتشفت أن حلم البيت والأسرة لن يتحقق مع زوجها الذي اختارته أن يكون شريك حياتها لن يحقق هذا الحلم ، لكن لم تتوقع ما قد يفعله زوجها معها.
بسمة سقطني عشان مش عايز يكمل معايا
كانت «بسمة» في سن الـ 19 عندما تقدم لها زوجها ولم تعيش معه سوى سنة واحدة، وفي سن العشرين وجدت نفسها أمام محكمة الأسرة تحاول أن تحصل على حقوقها من زوجها الذي دمر أحلامها وعاشت معه حياة يملأها الإهانة والضرب وتركها تنزف حتى تموت وفي النهاية لم يسأل عليها أو يعطيها حريتها، كان ذنب «بسمة» الوحيد انها احبت زوجها الذي لم يريدها منذ بدية زواجهم.
زواج صالونات
قالت بسمة: «أنا اتجوزت وانا عندي 19 سنة، جوزي اتقدملي عن طريق جواز صالونات، كنت مبسوطة أن جالي عريس وهتجوز وهيبقى عندي بيت، هو كان كويس في فترة الخطوبة ومكنش فيه أي مشاكل، وكنت فاكرة الحياة معاه هيبقى شكلها كدة» .
مغصوب على الجواز
تابعت بسمة: «من ساعة ما اتجوزت وجوزي بان على حقيقته، كان مش عايز يتجوزني من الأول هو اللي قالي إنه مكنش عايز يتجوزني وأنه مغصوب على الجوازة دي، انا كنت بحبه وعايزة اكمل معاه وهو كان مش عايزني، حاولت معاه كتير عشان يبقى كويس، لكن مفيش فايدة كان على طول بيعمل مشاكل بسبب ومن غير سبب، والخلافات كل مادى كانت بتزيد.»
ضربني لحد ما ابني مات
أكملت بسمة: «لحد ما حملت وقتها قلت أنه هيتعدل والخلفة هتخليه يبقى أحسن لكن لما عرف اني حامل مفرحش بالعكس ده بقى أسوء، مسكني ضربني وقتها علقة موت لحد ما ابني اللي في بطني مات وشافني وانا سايحة في دمي وسابني ومشي وفضلت انزف لحد ما كنت هموت، لحد ما كلمت اهلي عشان يجو يلحقوني.»
دعوى طلاق للضرر
أنهت بسمة كلامها: «رحت عند أهلي من ساعتها ومرجعتش تاني، لما أهلي طلبوا منه يطلقني رفض، وخد كل حاجتي، جيت المحكمة عشان أرفع عليه قضية طلاق للضرر، أنا مكنش عندي مشكلة ارحعله أهلي اللي رفضوا ومرضيوش، لأني بالرغم من كل ده لسه بحبه»
تابع أحدث الأخبار عبر
