«ورث أبوه راح عليها».. كوثر : طليقته اللي ممشياه وعايشين في الديون بسببها
سنين عديدة تحملت فيها «كوثر» زوجها وتدخلات زوجته الأولى في حياتها، وكان صبرها رغبة منها في المحافظة على بيتها، ولكن انتهت بها السبل في النهاية محكمة الأسرة.
"مراته الأولى هي اللي ممشياه" كان هذا ما بدأت به «كوثر» حديثها وهي تحمل الألم بسبب المشاكل التي واجهتها مع زوجها في حياتها معه، كانت الزوجة السابقة لزوجها متحكمة في حياتها وتتطلب من الزوج أموال عديدة للمصاريف حتى لم يتبقى أي منها لكوثر أو بناتها، وكان لها الشقة لجديدة ولكوثر الديون، وعندما فاض بها الكيل توجهت لمحكمة الأسرة حتى تحصل على حقوقها من زوجها التي لم تستطع الحصول عليها بشكل ودي.
جوزي منفصل عن مراته الأولى
قالت كوثر: «أنا اتجوزت من 17 سنة خلفت من جوزي 3 بنات، هو كان متجوز ومنفصل عن مراته قبل جوازنا بـ 3 سنين بسبب الخلافات، كان عنده منها ولد واحد وكنت فاكرة إن علاقتنا هتكون كويسة عشان خاطر الأولاد اللي بينا، لكن اللي حصل كان غير كدة.»
بينفذ كل أوامرها
تابعت كوثر: «هي كانت سبب المشاكل بينا كانت بتأمر جوزي يعمل اللي هي عايزاه وهو بيوافق على أي حاجة تطلبها ينفذها على طول هي اللي كانت ممشياه، لحد ما طلبت بالأمر أنها عايزة شقة بـ 2 مليون جنية وافق ساعتها وباع العربية وجابلها الشقة اللي نفسها فيها».
عايشين في ديون بسببها
أضافت كوثر: «صرف ورث أبوه كله عليها وأنا وبناتي مبيصرفش علينا جنية، أنا اللي بشتغل واصرف على البنات على قد ما اقدر لكن مكنتش قادرة أكفيهم، هو في ديون كتير بسببها واحنا مش لاقيين نأكل، المشاكل بسببها من زمان موجودة بس زودتها في الأخر بطلباتها الكتير، ولما اتكلمت معاه مخدتش منه حق ولا باطل».
دعوى خلع
أنهت كوثر كلامها: «أخر لما تعبت منه قررت أخد بناتي وسيبته ورفعت عليه قضية خلع، حاول يصالحني بعد ما عرف اني رفعت القضية لكني رفضت ارجعله مقدرش ارجع للبهدلة دي تاني، ورفعت عليه قضية نفقة عشان أقدر أكفي مصاريف بناتي اللي مبيسألش فيهم»
تابع أحدث الأخبار عبر
