نسوانجي ومش قادرة عليه.. حنان بدعوى خلع: قفشته على سريري مع ستات كتير
قصة حب كانت بداية قصة زواج «حنان» ونهايتها كانت محكمة الأسرة، بعد سنين عديدة مليئة بالألم التي عاشتها الزوجة مع زوجها الذي كانت تحبه ولم تجد منه سوى القسوة والخيانة في حياتها معه.
نسوانجي ومش قادرة عليه
"بيخوني من زمان" كانت هذه بداية حديث «حنان» عن قصة زواجها التي كانت عن طريق قصة حب وكان هذا الحب سبب صبر الزوجة على زوجها وخيانته لسنين عدية على أمل أن يعود الرجل الذي وقعت في حبه، لكن تحول هذا الرجل لشخص أخر من الصعب عليها حتى التعرف عليه، فكان يخونها في بيتها مرات عديدة ويهينها ويضربها، وكان هو من هرب وتركها وحدها في النهاية على أبواب محكمة الأسرة تبحث عن حقوقها.
اقرأ أيضا
زواج عن حب
قالت حنان: «أنا اتجوزت من 11 سنة وخلفت من جوزي 3 أولاد، كان جواز عن قصة حب ، كنت فرحانة جدا لما جوزي تقدملي وقلت خلاص هتجوز ويبقى ليا بيت وأسرة، الحياة كانت تمام ومفيش مشاكل لحد ما خلفت من بعد الخلفة وهو اتبدل اتحول وبقى بني أدم تاني »
خيانة الزوج
تابعت حنان: «جوزي كان بيخوني من زمان، قفشته كذا مرة في بيتي وفي سريري مع ستات تانية، ومفيش مرة من اللي قفشته فيهم كنت بفكر اني اسيبه ومرجعلوش مكنتش برضى اسيبه عشان بحبه، كنت بسيب البيت واروح عند أهلي وهو يجي يصالحني وأرجع معاه عشان عندي أمل أنه يرجع زي ما كان في الأول»
معرفلوش طريق من ساعة وفاة والده
أكملت حنان: «فوق خيانته ليا كان بيضربني ويبهدلني، كنت بتحمل وأقول عادي والعيال صغيرين بس لما العيال كبروا بقى مينفعش اتضرب قدمهم ، حاولت معاه كتير انه يتعدل عشان لسه بحبه لكن مفيش فايدة معاه، والده كان بيحبني وبيقف معايا إنما أمه كانت بتكرهني ومبتقبلنيش، من ساعة ما والده اتوفى وانا معرفش عن جوزي حاجة»
دعوى نفقة
أنهت حنان كلامها: «اتحملته عشان بحبه وعشان العيال ميتبهدلوش، واخرتها هو اللي ساب البيت ومعرفلوش طريق، بقالي ٥ سنين معرفش عنه حاجة ولا أعرفله طريق وهو بيسأل فيا أنا و العيال، جيت أرفع قضية نفقة لني مش عارفة أكفي مصاريف العيال لوحدي هو اللي كان بيصرف علينا وهو معانا قبل مايختفي. »
تابع أحدث الأخبار عبر
