لمياء في دعوى خلع: عيالي اتحملت عشانهم وطلعوا جاحدين زي أبوهم
سنين عاشتها «لمياء» مع زوجها ملأها الألم والقسوة وبعد تحملها لحياتها معه على أمل أن تربي أبنائها تربية صالحة، اكتشفت الزوجة أن تضحيتها طوال هذه السنين كانت خطأ من البداية.
كان زواج «لمياء» زواج ملأه الحزن والخلافات العديدة، وتحملت الزوجة طوال هذه السنين كل هذه الخلافات حتى لا تخرب بيتها واعتقاد منها أن أي حياة زوجية كلها مشاكل وخلافات، وكان كل حلمها أن يعيش أولادها حياة طبيعية وينشئوا في بيئة صالحة أشخاص طبيعية لكن ما وجدته في النهاية أولاد لم يقدروا تضحياتها من أجلهم وكانوا هم سبب لجؤها لمحكمة الأسرة في النهاية.
حياتي متبهدلة بسبب جوزي
قالت لمياء: «أنا اتجوزت من 18 سنة وخلفت 4 أولاد من جوزي، المشاكل مع جوزي من زمان إهانة وبهدلة عمره ما احترمني أو قدرني، مع الوقت كل مادى الخلافات كانت بتزيد معاه و مرر عيشتي، كنت بتحمل عشان مخربش بيتي وولادي ميتبهدلوش»
اتحملت جوزي عشان خاطر ولادي
تابعت لمياء: «طول السنين دي عيشت واتحملت لكن تعبت منه ومن الحياة معاه، جابلي أمراض الدنيا كلها جوزي كان بيضربني قدام العيال ويفرج عليا الشارع كله، لحد ما ولادي كبروا وكنت لسه بتحمل عشانهم، لحد في مرة ابني الكبير اتطاول عليا قدام أبوه وهو كان قاعد وسمعه واعد يضحك لما قلتله رد على ابنك وربيه قالي مليش دعوة بيكوا حسيت وقتها ان تعبي معاه ومع عيالي طول السنين دي كان على الفاضي، المشكلة اتحولت من بيني أنا وابني لبيني أنا وجوزي، سيبت البيت ساعتها ومخدتش حد من عيالي معايا، من ساعة ما مشيت هو مبيسألش فيا وعيالي بيسألوا كل فين وفين»
ولادي مش حنينين عليا بسبب ابوهم
أضافت لمياء: «محدش واقف معايا حتى أمه اللي كنت بخدمها مبتكلمنيش عشان في خناقة قلت لجوزي حسبي الله ونعم الوكيل، جوزي عرض عليا إني ارجعله تاني لكني رفضت مقدرش ارجعله تاني، أنا بتبهدل قدام ولادي لو رجعتله بنتي هتتعود ان عادي الست تتهان وتتضرب وابني هيتعود انه عادي يمد ايده على واحدة ويتعود على الإهانة وقله الأدب»
دعوى خلع
أنهت لمياء حديثها: «ملقتش حد يحل مشاكلنا كله يقولي اتحملي واصبري عليه، ولما رحت اشتكي في دار الافتاء قالولي اتطلقي ده حلك، وانا حاولت كتير انياتفاهم بيني وبينه لكن مفيش فايدة والعيال سايبني ومبيسالوش فيا وانا الوحيدة اللي متضررة، طلبت الطلاق واقوله ادفع أنا حق المأذون ورفض يطلقنيوجيت ارفع عليه قضية خلع.»
تابع أحدث الأخبار عبر
