سلمى في دعوى خلع: حمايا بيهدد أخويا بصوري علشان مخدش حقوقي
كانت خلافات «سلمى» مع زوجها وأهله عديدة لكنها لم تتوقع أبدا أن تصل في النهاية لمحكمة الاسرة بسبب أفعالهم الذي لا ترضي بشر ولا تستطيع أي سيدة تحملها.
زواج يملئه المشاكل عاشته «سلمى» مع زوجها الذي لم يتقي الله في زوجته او يصونها وفوق افعال الزوج الذي لا تحتمل تحملته الزوجة من أجل ابنتها، لكن كان أهله معاملتهم قاسية معها وحاولت الزوجة أن تهرب من حياتها معهم لكنهم خدعوها بأن زوجها سيتغير ويصبح شخص أفضل لكنهم كانوا فقط يكنوا لها الكره وعندما عادت لهذا الجحيم بنفسها خرجت هذه المرة بجرح عميق بسبب غدر زوجها وأهله بها ولا تعلم كيف تستطيع معالجة هذا الجرح.
عرفته عن طريق صاحبتي
قالت سلمى: «أنا اتعرفت على جوزي عن طريق واحدة صاحبتي كانت مخطوبة لأخوة شافني في خطوبتهم واتقدملي، ومن حظي هي متجوزتش اخوه بعد ما شافت اللي جوزي وأهله عملوه فيا من بعد ما اتجوزت ابنهم، والبهدلة اللي شفتها معاهم، اتجوزت سنتين بس وخلفت منه بنت»
خلافات من أول الجواز
أكملت سلمى كلامها: «المشاكل والخلافات مع جوزي كانت من بدري من قبل الخلفة حتى بس كنت بتحمل واعدي وأقول البيوت كلها فيها مشاكل وبعد الخلفة كنت بتحمله عشان خاطر بنتي متتبهدلش، اتحملته واتقيت ربنا فيه بس المشاكل كانت بتزيد مع الوقت كل مادى»
أضافت سلمى: «فوق مشاكلي مع جوزي أهله كانوا عاملين معايا مشاكل برضوا، حماتي كانت عايزاني اشتغل عندها خدامة هي وبناتها مع إني حتى مكنتش عايشة معاهم في بيت عائلة حتى أبوه مكنش بيقف معايا كان بياخد صفهم ويتخانق معايا»
اقرأ أيضا
حمايا بيهدد أخويا بصوري
تابعت سلمى: «لحد ما حصلت بينا مشاكل كتير وتعبت منه قررت ساعتها اسيبه وسيبت البيت فترة وكنت هرفع قضايا في المحكمة لما أهله عرفوا رجعوني وقالولي هيتغير ورجعت عشان خاطر بنتي، ولما رجعت حمايا خد صوري من على تليفوني كنت متصوراها وانا كنت خراجة من الحمام، بعت الصور على تليفون اخويا وخلى ناس غريبة تبعتها لاخويا عشان يخليني اطلق ومخدش جنية من جوزي»
دعوى نفقة
أنهت سلمى حديثه: «بعد اللي عملوه ده جوزي طلقني غيابي عشان مخدش منه حاجة واكتشفت إنه كان مرجعني ينتقم مني هو وأهله ورفعت عليه قضية نفقة عشان حق بنتي»
تابع أحدث الأخبار عبر
