«المخدرات لحست مخه».. ولاء في محكمة الأسرة: سيبته عشان هيضيع ولادي مني
كانت «ولاء» أمام محكمة الأسرة مثال على السيدة التي لم تستلم لظلم زوجها وطباعه التي لا تتسم بأي شكل من الرحمة، وظلت في محكمة الأسرة حتى حصلت على حقوق أبنائها وحقوقها.
ولاء في محكمة الأسرة: سيبته عشان هيضيع ولادي مني
بعد عشره دامت 12 سنة لجأت «ولاء» لمحكمة الأسرة فبعد سنين من الألم التي عشاتها مع زوجها قررت أن تنهي حياتها معه ولا تصبر على مصيرها، فواجهت مع زوجها مشاكل عديدة منها عدم صرفه أي أموال عليها او على أولادها وفي النهاية المخدرات سيطرت عليه وعلى عقله، ورفعت قضية نفقة وولاية تعليمية وتمكين ومازالت كل أملها أن تعطي أبنائها مستقبل أفضل وتحميهم من أبوهم.
شفت مع جوزي أيام صعبة
قالت «ولاء»: اتجوزت من 12 سنة وخلفت ولد وبنت، وكنا قرايب من بعيد، وفي أول الجواز مشفتش منه أي حاجة وحشة، بس بعد كدة اتغير وشفت معاه أيام صعبة، مكنش كويس معايا غير الإهانة والضرب كمان مبيصرفش ومش مكفيني أنا وأولادي.
المخدرات كانت كل حياته
تابعت «ولاء»: غير المشاكل على المصاريف بقى يشرب مخدرات بان عليه انه بيشرب من تصرفاته، وبقيت اشوفه بيشربها قدامي، في الأول كان حشيش وبعد كدة اتطور وبقى حجات تانية، أنا كنت عايشة عشان خاطر العيال ولما لقيت العيال هيضيعوا مني لو فضلت معاه قررت اسيبه عشان الحقهم بالذات لأن الموضوع بيزيد مش بيقل.
منعته يشوف العيال بسبب عمايله
أضافت «ولاء»: أنا اللي سيبتله الشقة عشان أنقذ أولادي من مصيرهم مع أب زي كدة، واتطلقنا ودي، ورجعت رفعت قضية تمكين عشان أخد الشقة، ولما عرف اني كسبت التمكين خد العفش وغير الكالون، الأول منعت عنه العيال لما بهدلني في المحكمة بس صعب عليا ولادي احرمهم من ابوهم وهو لسه عايش كلمته وقلتله يجي ويشوفهم ويعد معاهم ودلوقتي بعد محايله بيقابلهم كل أسبوع
قضايا في محكمة الأسرة
أنهت «ولاء» كلامها عن معركتها في محكمة الأسرة: رفعت عليه غير قضية التمكين قضية ولاية تعليمية وقضية نفقة وكسبتهم كلهم، وهو بيدفع النفقة بعد ماطلع عيني معاه ،لما عرف اني هكسب النفقة جه عشان يدفع، ودلوقتي مبيسألش علي أنا والعيال واحنا منعرفش عنه حاجة
تابع أحدث الأخبار عبر
