منى في دعوى طلاق: اخوات جوزي عايزين يطفشوني ويجيبولي ضره
دعوى طلاق قصدتها الزوجة بعد ما عانت من مشاجرات وخلافات مستمرة حاصرت عش الزوجية بسبب شقيقات زوجها، حاولت إيجاد حلول لهذه الخلافات ولكن كان الوضع يزداد سوء خصوصًا بعد تحريضهم له على الزواج من أخرى، لم تتحمل العيش في هذا الوضع كثيرًا لذلك قررت أن الانفصال هو الحل الأمثل لها.
أسرعت الزوجة نحو محكمة الاسرة لتقييم دعوى طلاق ضد زوجها بعد ما أدركت أن هذا الحل المناسب لها لتتخلص من معاناتها مع شقيقات الزوج، استهلت الزوجة حديثها لقاضي محكمة الاسرة مضيفة: "قبل الجواز اخوات جوزي كانا كويسين أوي معايا وبيتعاملوا معايا أحسن معاملة وأنا كنت بعتبرهم زي اخواتي بالظبط، ومكنش في جوايا أي حاجة وحشة خالص ناحيتهم".
اخوات جوزي مش طايقني
تغيرت المعاملة في أول الزواج وتلقت أسلوب جديد عليها من شقيقات زوجها ما جعل المشكلات تتصاعد بينهما، لم تجد أي مبرر لمعاملتهم معها ولكنها حاولت ظبط أمورها معهم مرات كثيرة ولكن كانت الأمور تتعقد أكثر مع مرور الوقت، أضافت منى: "من أول الجواز وأنا لقيت معاملة غريبة من اخوات جوزي وأنا مش فاهمة إية سبب تغيرهم معايا، بس كنت بحاول ارضيهم عشان الدنيا تبقى كويسة وبينا بس هما برضو مصممين يعاملوني بنفس الطريقة"، تابعت: "اتخانقنا طبعًا كتير بس كل مرة كان جوزي بيقول لي عدي الدنيا، وأنا كنت بعدي لحد ما خلاص تعبت منه ومنهم".
عايزين يطفشوني ويجيبوا لي ضرة
تغاضت كثيرًا عن افتعالات شقيقات زوجها حتى لا تتصاعد الأمور ولكن تصرفاتهم كانت السبب في عدم تهدئة الأمور، والذي جعل الأمور تزداد سوء عندما علمت بتحريضهم لزوجها من أجل الزواج من أخرى، تابعت منى: "عديتلهم حاجات كتير عشان المشاكل بينا متكبرش، بس اللي بوظ الدنيا خالص هو إنهم عايزين جوزي يتجوز عليا وبيحرضوه كمان على كدا، وبقوا يزيد في قلة أدبهم معايا عشان عايزين يطفشوني، مقدرتش استحمل رحت رفعت عليه قضية طلاق بقا"، وصلت الأمور معاها لطريق مسدود لا يصلح فيه أي محاولات ما جعلها تقصد محكمة الاسرة لرفع دعوى طلاق لتتخلص ومن حياتهالا المليئة بالمشكلات.
تابع أحدث الأخبار عبر
