«ضرتي صاحبة العصمة».. عزة لـ القاضي: جوزي بيلبسنا القديم والفاكهة بقت بالعدد
سنين عاشتها «عزة» مع زوجها وكانت تظن أن حياتها ستكون مستقرة، وحققت حلمها في أن يصبح لديها أسرة وأطفال وزوج يرعاها ويحميها من غدر الحياة، ولكن تحولت كل أحلامها لكابوس لم تتوقع أن تستيقظ عليه في يوم من الأيام على أعتاب محكمة الأسرة.
عزة لـ القاضي: مجوعني أنا وعيالي عشان مراته التانية
زوجة ثانية كانت السبب في تدمير أسرة «عزة» هو خيانة زوجها لها وزواجه من اخرى، على العلم أن «عزة» كانت تحبه ولم يرى منها أي شر في حياتهم سويًا، فصانت بيته وأولاده، لتجد زوجها في يوم متزوج من صديقة قديمة لها وكان السبب في هذا الزواج أهله الذي لم يروا من «عزة» اي شر أيضا، واضطرت «عزة» بعد أن كانت مرتاحة ماديا وتعيش في بيتها مع أسرتها ان تتوجه لمحكمة الأسرة لتحصل على حقوقها الذي لم يعطيها زوجها لها او لأولادها بسبب زوجته الثانية.
جواز عن قصة حب
قالت «عزة»: اتجوزت من أكتر من ٢٠ سنة، كان جواز عن قصة حب، وخلفت ٣ أولاد وبنت، كنت وراه لحد ما كبر وبقى معاه فلوس وكنت بساعده بكل حاجة أقدر عليها، خلفت ولادي وربتهم أحسن تربية، حياتنا كانت كويسة وكنا مرتاحين ماديًا، والمشاكل كانت العادية زي أي زوجين.
جوزي اتجوز عليا
تابعت «عزة»: لحد من فترة اكتشفت إن جوزي متجوز عليا، حسيت بيه متغير دورت وراه عرفت إنه متجوز، مكنتش فاهمة هو اتجوز عليا ليه أنا مكنتش مخلياه محتاج حاجة، لحد ما عرفت بعد كده إنه اتجوز واحدة أنا كنت أعرفها من زمان، وإخواته اللي جوزهاله لأنها معاها فلوس.
مش راضي يطلقني
أكملت «عزة»: لما عرفت إنه اتجوز عليا اتطلقت منه سنة وفضل ورايا لحد ما خدني عند المأذون وقالي إنه طلقها ورجعتله ساعتها، وفي الأخر طلع مطلقهاش، عرفت إنه مطلقهاش لإني حسيت بيه برضو، لما واجهته قالي مش هطلقها إن كان عجبك ومش هيطلقني عشان أنا أم ولاده.
مبهدلني أنا وولادي بسبب مراته الجديدة
أضافت «عزة»: من ساعة ما اتجوزها وهي كل حاجة بقت اللي بتؤمر بيه، وبعد ما كان بيصرف عليا أنا وولادي مبقاش يصرف خالص، مشغل ولادي معاه ومش بيديهم قبض عشان يخلينا محتاجينله، بيجيب الفاكهة بالعدد بعد ما كان بيجيب بالكارتونة، وبيجبلي لبسها القديم، ومشاكل على الأكل والشرب حتى إزازة الزيت يعمل مشكلة عليها.
دعوى نفقة
أكملت الزوجة: وكمان بقى بيضربني في الشارع، وبنتي كانت لسه والده عور ابن بنتي وهو لسه عنده 3 أيام، لإنه بيقوم علينا يضربنا ميكونش شايف قدامه، الناس واقفة في صفه شايفين إنه راجل كويس وبيصرف ميعرفوش حاجة، ومش راضي يطلقني عشان ولادي ، بس رفعت عليه قضية نفقة عشان أقدر أعيش كويس.
تابع أحدث الأخبار عبر
