«بهدلها وطلقها».. الحاجة ثرية في محكمة الأسرة: جوز بنتي استغل وفاة أخوها
يتواجد العديد من السيدات كبار السن أمهات في محكمة الأسرة، ومثل السيدات التي رفعت دعاوى على زوجها فهذه الأمهات لها قصص وتحمل ألم كبير، وهذه كانت حالة «الحاجة ثرية» التي تواجدت اليوم أمام محكمة الأسرة تحمل هم الدنيا.
لمدة سنين عديدة شالت «الحاجة ثرية» مسئولية أولادها بعد وفاة زوجها، لتستيقظ في يوم على خبر أليم لا تريد أي أم أن تسمعه في يوم من الأيام، فتوفى ابنها الذي كان شاب يبلغ 26 سنة في مقتبل عمره، لم تفوق «الحاجة ثرية» من خسارتها لأبنها، لتجد ابنتها تحتاج لدعم أمها لتواجه ظلم زوجها الذي لم يرحمها أو يقدر ظروفها وعرضها لظلم وإهانة.
اقرأ أيضا
أنا اللي بصرف على ولادي من ساعة وفاة جوزي
قالت «الحاجة ثرية»: أنا جوزي اتوفى بقاله 10 سنين ومن ساعة ما اتوفى وأنا اللي بصرف على ولادي الأربعة الصبيان وبنتين، بصرف على ولادي من معاش جوزي اللي اتوفى، والدنيا كانت ماشية بنتي الكبيرة متجوزة وعندها 4 بنات والباقي كله عايش معايا وأنا شايلة مسؤليتهم من ساعة وفاة جوزي.
ابني شاب مات وعنده 26 سنة
قالت «الحاجة ثرية» وهي تبكي على الحادث الذي المؤلم الذي شهدته: من شهور ابني اتوفى في حادثة عربية كان عنده 26 سنة ومش متجوز كان واقف مستني العربية خبطه واحد ومات، قلبي اتحرق عليه وحسيت إني هموت وراه.
بنتي جوزها استغل وفاه أخوها وطلقها
تابعت «الحاجة ثرية»: احنا في مشاكل مع جوز بنتي من زمان مش مريحها وعلى طول بيضربها ويهنها بس هي كانت بتتحمل عشان متخربش بيتها وعشان بناتها الأربعة، بس زاد من بعد وفاة اخوها لأن هو اللي كان بيقف قدامه عشان أخته، ولما مات افتكر ان مفيش حد يقف معاها وضربها وبهدلها وفي الأخر استغل وفاة جوزها وطلقها.
جوز بنتي رمهالي هي وعيالها
أنهت «الحاجة ثرية» كلامها متأثرة: بنتي جتلي تقعد معايا هي وبناتها الأربعة بعد الطلاق، وأنا مش معايا أصرف عليهم مع عيالي أنا اللي شايلة مسؤليتهم، حاولنا كتير مع جوزها أنه يصلح بينهم ويرجعها لكنه صمم في عنده ومرضيش يرجعها وسابها هي وبناتها، ودلوقتش مبيسألش حتى على عياله اللي راميهم عندي وجت ترفع عليه دعوى نفقة.
تابع أحدث الأخبار عبر
