«مكنتش اعرف إنه مدمن».. علياء: ابني مسك سجاير أبوه لقى حتة حشيش كلها وكان هيموت
وجدت «علياء» نفسها وهي في ال25 من عمرها أمام محكمة الأسرة وحيدة والدموع على خديها بسبب الأحداث التي توالت عليها والحال الذي وصلت له في يوم وليلة.
تزوجت «علياء» وهي في بداية عشرينيات عمرها من رجل بعد قصة حب كبيرة بينهم وكانت تظن أنه سيكون سندها في هذه الدنيا، ولكنه تسبب في وجع كبير في حياتها فكانت ستخسر طفلها الصغير بسبب المخدرات التي يتعاطاها زوجها، فوق الخطر الذي عرضه زوجها لها ولأطفاله لم يكتفي زوجها ولكنه زاد في ظلمه لها وجعلها تلجأ في النهاية لمحكمة الأسرة كحل أخير بعد أن وجدت نفسها وحدها في هذه الدنيا.
اقرأ أيضا
ابني كان هيروح مني بسبب أبوه
قالت علياء: “اتجوزت من 3 سنين، واحد كان متعلم ومثقف وكانت قصة حب كبيرة أهله كانوا عيلة كبيرة ويعرفوا أهلي من زمان ومكنش في خلاف على أخلاقه واحترامه، الحياة بينا كانت عادية ومفيش مشاكل لحد من سنة تقريبا كان عندي بيبي سنة و7 شهور وأنا حامل في الشهر السابع حصل حاجة كانت سبب طلاقنا”.
تابعت علياء: “ابني كان بيلعب ومسك علبة السجاير بتاعت باباه ولقى فيها حشيش وأكله، طبعا الولد تعب وكنت هتجنن من الخوف عليه وشايفاه بيموت قدامي ومش عارفة ايه اللي حصله لآني مكنتش أعرف إن جوزي بيشرب حشيش أصلا، لما الولد تعب ورحنا المستشفى الدكاترة قالولنا أن سبب اللي حصل ده أن الولد أكل حشيش واتعرف ساعتها إن جوزي هو اللي بيشرب حشيش”.
اقرأ أيضا
كان عايزني أسقط وأنا حامل في السابع
أكملت علياء والدموع في عينيها: “جوزي لما عرف اللي حصل مسكني ضربني علقة وقال إني السبب في تعب الولد وأنه أكل الحشيش، بعد كل اللي حصل ده طلبت منه الطلاق، قالي هو وأهله لو عايزه اتطلق اتنازل عن كل حاجتي، وأسقط وأنا حامل في السابع أصلا، رفضت طبعا لأني كنت هموت لو سقط وساعتها عشان يطلقني مضاني على ورقة وخلاني تنازلت عن كل حقوقي”.
أنهت علياء والدموع في عينيها: "دلوقتي أنا مطلقة ومعايا ولد وبنت ومفيش حد معايا، ماما توفت وبابا اتوفى بعدها واخواتي الاثنين عندهم سرطان، ودلوقتي رافعة عليه دعوى نفقة، والمفروض يدفع نفقة للاثنين 500 جنيه بس ومبيدفعهمش حتى عند فيا، وأنا مبشتغلش لأن ولادي صغيرين محتاجني ومفيش حد اسيبهم معاه".
تابع أحدث الأخبار عبر
