غالية لقاضي الأسرة: طلقني غيابي وأنا حامل في شهرين وابني ميعرفش أبوه
كانت غالية في سن الـ 19 من عمرها عندما تزوجت غصب من زوجها الذي يبلغ من العمر 75 عام، وافقت «غالية» على أمل أن تدخل قفص الزوجية ورضت بنصيبها بعد غصب أهلها عليها الزواج ولكنها بسبب هذا الزواج عاشت في ألم وحسرة لازالت تلاحقها حتى بعد وفاة زوجها.
تزوجت «غالية» وكان في مخيلتها أنها عندما تتقي الله في زوجها ستعيش حياة سعيدة معه ، ولن يكون في حياتهم أي مشاكل ، وهذا ما حاولت «غالية» تفعله مع زوجها ، وكان الحال طبيعي بين الزوجين في أول الزواج ، ولكن الزوجة الأولى لم ترضى أن تترك «غالية» تعيش حياة هادئة مع زوجها وظلت تسعى حتى دمرت حياتها، ولمدة 14 سنة لجأت لمحكمة الأسرة حتى تحصل على حقوقها هي وابنها الذي لم يرى ابوه منذ ولادته.
اقرأ أيضا
أهلي غصبوني على جوزي عشان خاطر الفلوس
بدأت «غالية» رواية قصتها للحادثة وقالت: جوزي اتقدملي وكان عنده 75 سنة وانا عندي 19 سنة وكنت مش موافقة عليه بس أهلي اللي أجبروني عشان معاه فلوس ، كان متجوز وعنده 5 عيال وأنا كنت الزوجة التانية ، وافقت عليه عشان مجبره وحمدت ربنا وقلت أعيش وهو كان متدين وكويس معاي مش وحش في الأول، وفضلت معاه 4 سنين بس كنت بطيعه وماشية بما يرضي الله معاه.
زوجته الأولى حطاني في دماغها
تابعت «غالية»: ابوه كان متجوز اتنين واحدة جابت ولدين و3 بنات والتانية جابت 7 بنات وهو مراته الأولى جابت ولدين و 3 بنات وكانوا فاكرين أني هجيب 7 بنات، خلفت منه بنت وبنتين تؤام ولما حملت تالت مرة، مراته اقنعته إني حامل في بنت وانه هيجيب 7 بنات زي ابوه.
طلب مني أسقط عشان افتكر إني حامل في بنت
أضافت «غالية»: مراته القديمة كانت بنت عمه كانت بتقومه عليا و قالتله دي حامل في بنت وهو مكنش عايز بنات تاني، فضل يعاملني وحش وفي الأخر قالي خدي ابره وسقطيه، لما رفضت عشان مغضبش ربنا، راح وداني عند أهلي وعمل معايا مشاكل كتير.
قالت الزوجة: رماني في بيت أبويا، وطلقني غيابي وانا حامل في شهرين في ابني، قعدت في بيت أبويا وربيت بناتي وابني كان معايا، ابني عمره ما شاف أبوه، جوزي كان هيرجعني لما عرف اني خلفت ولد وانا كنت هرجع معاه عشان متبهدلش أنا وولادي بس وهو جاي يرجعني عمل حادثة ومات.
أنهت «غالية» كلامها: من قبل ما يموت واحنا عايشين في ظلم، وبعد موته أهله بقى مبيدونيش الجنيه عندهم أراضي وفلوس، وبقالي سنين رافعة دعوى إعلام وراثة وجوزي مات من 14 سنة ومخدتش حاجة طول السنين دي.
تابع أحدث الأخبار عبر
