مروة في محكمة الأسرة: رماني عشان مراته ترضى ترجعله وقعدها في شقتي
قبلت «مروة» أن تكون زوجة ثانية لزوجها على أمل أن تبني أسرة وبيت معه ولكن زوجها وزوجته الأولى لم يتركوها تعيش حياة هادئة ورفض زوجها حتى أن يعطيها حريتها عندما طلبت الطلاق.
تزوجت «مروة» وكانت زوجة ثانية لزوجها المطلق، واتقت فيه الله وعاشت على أمل أن تبني أسرة معه، لكن لم يرزقها الله بنعمة الأطفال، والزوجة الأولى لم تتركها تعيش حياتها وكانت السبب وراء خراب بيتها، فاشترطت على الزوج أن يطلق «مروة» حتى توافق على أن يردها لعصمته، وافق الزوج وترك «مروة» وحدها وجعلها تلجأ لمحكمة الأسرة حتى تحصل على حقوقها وتحصل على حريتها لأنه رفض أن يطلقها وطردها من بيتها كأن الأيام التي عاشوها سويا لم تحدث أبدا.
اقرأ أيضا
عايشة في مشاكل من أول جوازي بسبب مرات جوزي الأولى
قالت «مروة»: اتجوزت من سنتين بس كنت الزوجة التانية ومخلفتش منه، كان متجوز وعنده أولاد وطلق قبل ما نتجوز، هي كانت عارفة إنه اتجوز، الحياة بينا كانت عادية، بس كان في مشاكل من ساعة ما اتجوزنا بسبب مراته الأولى، وكنت بحاول إني أمشي الدنيا ومعملش مشاكل عشان مخربش بيتي.
عايزة تخطف جوزي مني بحجه عيالها
تابعت «مروة»: واحنا متجوزين كان في مشاكل بسبب كانت بتقوله العيال عازين يشوفوك ويروح يعد عندها بالساعات ويسبني لوحدي، ولما أكلمه يقولي عيالي ومقدرش اسيبهم، من قريب بس سابني فجأة ورجعلها، وجوزي دلوقتي سايبني بقاله 3 سنين مش راضي يطلقني بسببها.
اقرأ أيضا
اشترطت إنه يطلقني عشان ترجعله
أضافت «مروة»: عرفت بالصدفة انه رجعها، لما سابني من غير سبب أو يقولي رايح فين، لما اكتشفت عرفت إنه رجعلها وانها قالتله شرط إنها ترجعله إنه يطلقني، بالرغم إني كنت موافقة انه يرجعها وأفضل معاه، بس هي فضلت تعمل مشاكل عشان يطلقني، لما وصلتله وحاولت أتكلم معاه انه يطلقني أو نرجع قالي مش هيطلق غير لما اتنازل عن كل حقوقي.
طردني من شقتي عشان مراته التانية
أكملت «مروة» كلامها وقالت: دلوقتي طردني من شقتي واعدت هي فيها، وعفشي رماه في شقة تانية، وعايز عشان يطلقني عايزني اتنازل عن حقوقي الشرعية كلها من نفقة متعة أو أي حاجة تانية، وجيت أرفع دعوى نفقة عشان أخد حق اللي سرقه مني.
تابع أحدث الأخبار عبر
