أسماء في دعوى نفقة: طردني من بيتي أنا والعيال ومش راضي يرجعني
كانت الحزن والصدمة هي المشاعر التي تسيطر على «أسماء» أمام محكمة الأسرة فبعد مشاكل عديدة مرت بها مع زوجها كانت محكمة الأسرة هي النهاية وطوق النجاة الأخير الذي تعلقت به الزوجة.
"جوزي كل شوية يطردني أنا وولادي من البيت ومش عايزنا" هذا كان سبب تواجد «أسماء» أمام محكمة الأسرة، بعد 8 سنوات زواج فجأة قرر الزوج أنه لا يريد زوحته وأولاده في حياته ولا يريد أن يتحمل مسئوليتهم مجددا وطردهم من بيتهم، وترك زوجته وأبناءه دون سند أو ضهر في الدنيا، أضطرت «أسماء» أن تكون أب وأم لأولادها وتقدم لهم العون والمساعدة لأنه لم يصبح لهم شخص أخر في الدنيا سواها.
جوزي مش عايزني أنا وعيالي
روت «أسماء» قصتها للحادثة وقالت: اتجوزت من 2015، كان جواز عن حب، طول سنين الجواز كان كويس ومفيش مشاكل بينا، لحد من قريب المشاكل كترت ومبقاش يصرف عليا أنا وولاده، وبقالي سنة سايبه البيت هو مش عايزني أنا وولادي ومش عايز يكمل معايا، سألته ليه مرديش يجاوبني.
طردني من بيتي ومش راضي يرجعني
تابعت «أسماء»: قبل كدة كان بيصرف عادي ومفيش حاجة بعد كدة فجأة من غير سبب اتحول بقالي سنتين في مشاكل معاه، كل شوية يقول مش عايزنا ويمشينا ونرجع تاني على إنه يتعدل ومبيتعدلش، أخر مره هو اللي مشاني وطردني ومرديش يرجعني تاني، ناس كتير حاولت تصلح بينا لكنه رفض.
اقرأ أيضا
أبويا عايز يبعت عيالي لجوزي وهو مش عايزهم
أضافت «أسماء»: مش عايز يصرف على العيال ولا يجبلهم مكان نعد فيه عايز بس يديني العفش وميجبليش بيت أعد فيه، وأنا مفيش مكان أحط فيه عفشي، أنا أعده عند أهلي وبيناموا على الأرض لأن مفيش مكان ننام فيه أنا وعيالي، ودلوقتي في مشاكل بيني أنا وأبويا عايز يودي عيالي لأبوهم عشان يصرف عليهم وأبوهم أصلا مش راضي بيهم وأنا مش قادرة أسيب عيالي صغيرين وهيبهدلهم.
تابعت الزوجة والدموع تملئ عينيها: أهله متوفين وملوش كبير اشتكيله، ورافض أنه يصرف عليا أو على ولاده أو يرجعنا تاني، وبعد مشاكل كتير معاه على المصاريف بقى يديني 200 جنية في الشهر ده لو أداني أصلا، واضطريت أجي محكمة الأسرة وأرفع دعوى نفقة عشان ولادي اللي هو راميهم ومبيصرفش عليهم.
تابع أحدث الأخبار عبر
