"مكنش بيحل ولا بيربط".. غالية في دعوى نفقة: أهله خلوه يطلقني عشان مش بخدمهم
حياة زوجية هادئة ومستقرة وسعيدة عاشتها «غالية» مع زوجها، ولكن لم تدم السعادة بين الزوجين بسبب تدخلات أهل الزوج العديدة فدمرت حياتهم وأوصلت الزوجة لأبواب محكمة الأسرة.
غالية في دعوى نفقة: أهله خلوه يطلقني عشان مش بخدمهم
"زواج أقارب انتهى بمأساه" كانت هذه الحالة التي وصلت لها «غالية» بعد زواج دام فقط لمده عام، تزوجت «غالية» وأنجبت طفلتها وكانت تحلم أن تعيش حياة هادئة ومستقرة مع زوجها، ولكن بسبب ضعف شخصية زوجها أمام أهله وفشله في أن يحل المشاكل بين زوجته وأهله، انتهت حياة «غالية» الزوجية سريعا، لجأت «غالية» من 2018 لمحكمة الأسرة لتحاول أن تحصل على حقوقها من زوجها ولكن بائت كل محاولاتها بالفشل.
اقرأ أيضا
اتجوزت في بيت عائلة واستحملت مشاكله
قالت «غالية»: اتجوزت من 2017 واحد قريبي وعيشت معاه سنة واحدة بس وسيبته في 2018 بعد ما خلفت بنتي، كنت متجوزة هنا في القاهرة بس هو كان بيشتغل بره مصر، لما اتقدملي قلت أهو عارفاه ومترببين سوا وعارفين أخلاقه، ولما اتجوزنا كنت عايشة في بيت عائلة والمشاكل فيه كانت كتيرة.
جوزي مكنش بيحل ولا بيربط
تابعت «غالية»: كان بيبقى في مشاكل بيني وبين أهله وهو مقدرش يحلها كان بيسكت ويعمل نفسه مسمعش حاجة لما اشتكيله، كانوا لو منزلتش بيت أهله يعملوا مشكلة، ويقولوا مبتنزليش ومبتخدميش، احنا عندنا في عيلتنا لو غضبتي وسيبتي البيت خلاص تطلقوا ويتجوز واحدة تانية، وده اللي حصل معايا أول ما حصلت مشكلة وقررت أسيب البيت مرجعنيش تاني وطلقني في الأخر واتجوز عليا بعدها.
أهل جوزي كانوا السبب في طلاقي
أضافت «غالية»: اخوات جوزي قالوله يطلقني عشان مبخدمش أهله وأخواته، وهو طلقني وسمع كلامهم، واتجوز تاني بعدها على طول ومراته التانية عشان يريحها فصلها عن أهله خالص مش عارفة ليه معملش معايا كدة يمكن لو كان عمل كدة مكناش اتطلقنا.
مبيصرفش على بنته من ساعة الطلاق وبيدعي الفقر
أكملت «غالية» كلامها وقالت: مبيصرفش على البنت من ساعة الطلاق اتكلمنا معاه كتير ولما نقوله يصرف يقول معييش أصرف مع انه معاه بس هو بيبخا عليا أنا وبنته، وخلاني أضطريت أجي المحكمة ورفعت دعوى نفقة، مخدتش منه حاجة من 2018 لأنه مسافر ومش عارفة أجيبه وأخد منه أي حاجة
تابع أحدث الأخبار عبر
