خد فلوسي وهرب.. إلهام في دعوى نفقة: بعد 22 سنة جواز ضحك عليا ومضاني على بيع الشقة
جلست «إلهام» على أعتاب محكمة الأسرة منهارة على سنين عمرها التي ضيعتها مع زوجها الذي لم يقدر أي من مساعداتها له وخدعها وتركها بقلب قاسي ولم يخطر على باله للحظة كل ما مروا به سويا.
إلهام في دعوى نفقة
لمدة عاشت «إلهام» مع زوجها وأنجبت منه بنتها وابنها وكانت تتقي الله فيه وساعدته بكل ما تملك على أساس أنهم أسرة ويبنوا مستقبل لأولادهم، وبعد كل هذه السنين سرق الزوج كل ما قدمته له زوجته ولم يسأل عنها أوعن أولادهم وأجبرها أن تلجا لمحكمة الأسرة لتحصل على حقهوقها التي سرقها منها.
اقرأ أيضا
بقالي 22 سنة بدخل جمعيات عشان أساعد جوزي
"بعد 22 سنة جواز مضاني على بيع الشقة على أساس اننا هنعزل ونروح مكان أحسن لكنه سرقني" هذا ما بدأت به الزوجة حديثها والدموع تنهال على وجهها" اتجوزت ابن عمي من 22 سنة وخلفت منه بنت وولد، طول السنين دي الحياة كانت عادية، من زمان كنت بكافح معاه ووقفت جنبه وساعدته واديته كل فلوسي، كنت بعمل جمعيات وبتداين وأقول عشان نعيش في مكان كويس وكله عشان خاطر ولادنا، أنا اللي ساعدته أنه يجيب الشقة اللي دلوقتي تسوى 2 مليون جنيه"
خد فلوسي وهرب
تابعت «إلهام»: لحد ما جالي في يوم وقالي نبيع الشقة ونجيب حاجة أحسن، عمل عليا فيلم هو والمحامي وبيعني الشقة، بعد ما بيعني الشقة قالي مش هجيب حاجة انتي اخرك شقة إيجار وحتى الإيجار مجابهوش، عمل كل ده عشان أخسر الشقة وميبقاش ليا حاجة، وخد الفلوس ومعرفش مكانه فين.
اقرأ أيضا
رمالي هدومي في شنط زبالة
أضافت «إلهام»: من ساعة ما سابنا وهو مبيصرفش على بنته اللي في ثانوية عامة وابنه اللي لسه داخل المدرسة، وأنا بشتغل شغلانتين عشان أكفي ولادي، كلمته واتحايلت عليه أنه يصرف قالي روحي المحاكم شوفي هتديكي ايه، لما باع الشقة باعها بالعفش، خرجت بهدومي بس شقا وتعب 22 سنة يرميلي هدومي في شنط زبالة".
جوزي طعن في شرفي
أنهت الزوجة كلامها وهي باكية تقول: أول حد داس عليه أنا وولادي، زوجي طعن في شرفي واتكلم عليا كلام وحش وجالي أمراض الدنيا بسببه ، ودلوقتي قاعده عند أهلي ورفعت دعوى نفقة عشانهم .
تابع أحدث الأخبار عبر
