إيمان في دعوى طلاق: "قالي مسافر شغل وطلع محبوس بقضية مخدرات"
حياة مذبذبة من أول الزواج، زوج اتجه لشرب المخدرات ما أثر على حياتهما بالسلب، حاولت الزوجة التأقلم مرات كثيرة ولكن أفعال الزوج هي التي تبطل كل محاولاتها في كل مرة حاولت الإصلاح، فكانت النهاية التي جعلتها تلجأ لمحكمة الأسرة لـ إقامة دعوى طلاق هو اختفاءه بحجة أنه لديه عمل ولكنها اكتشفت أنه كان محبوس في قضية مخدرات
8 سنوات تقنع الزوجة نفسها بأنها يجب أن تتحمل حياتها التعيسة التي لم تشعر فيها بأي فرحة من أجل الأولاد ولكنها أدركت أن الحل الأمثل لها هي والأولاد الفرار من هذه الحياة، تستهل الزوجة في رواياتها قائلة: "متجوزة بقالي 8 سنين ومن أول الجواز واحنا مبنعملش حاجة غير اننا بنتخانق عشان المخدرات اللي مشي فيها دي، معرفش كان بيشرب من قبل الجواز ولا لا بس وكان كويس معايا طول فترة الخطوبة".
قالب البيت غرزة
جارت إيمان أمورها أكثر من مرة من أجل استمرار حياتها مع الزوج المغيب الذي لا ي لتفت لشيء سوى مزاجه الذي دمر حياتهما، تابعت: "من اول الجوزل على طول وأنا اكتشفت إنه بيشرب مخدرات كلمته أكتر من مرة عشان ميبقاش مدمن، بس الحقيقة معرفتش اسيطر على الموضوع وبقى الحشيش والبودة هما ا هم حاجة في حياته"، أضافت الزوجة: "في الأول كان بيشرب القرف دا برا البيت، إنما دلوقتي بقا قالب البيت غرزة وكل ما أكلمه يتخانق معايا ويضربني، وكل ما ىاسيب البيت يقول ل ي ارجعي ومش وهبطل بس مفيش حاجة بتتغير"
كنت بحسبه في شغل طلع مسجون
في كل مرة كانت تحاول المحافظة على بيتها وأسرتها من التفكك ولكن أدركت أنها عليها الهروب بعدما اكتشفت أن زوجها كان في السجن منذ 8 شهور، مع العلم أنه أخبرها أنه في سفر تبع عمله.
استكملت إيمان: “كل مرة كنت بعديله بس أخر مرة دي مقدرتش، جه في يوم قال لي إنه مسافر تبع شغله وأنا استغربت عشان هو مكنش منتظم في الشغل يوم يشتغل وعشرة لا، المهم سافر وغاب شهر واتنين ومتصلش حتى بيا، وكل ما أحاول أنه أكلمه يديني مغلق”.
أنهت رواياتها: "لقيته رجع بعد 8 شهور وكل دا انا كنت فاكراه في شغل عادي زي ما بيقول بس اللي عرفته من الناس إنه كان محبوس في قضية مخدرات، في اليوم دا قررت إني أخد العيال وامشي واتطلق على طول عشان كدا مش هينفع، والمرة دي جت على 8 شهور يا عالم المرة الجاية هتبقى كام سنة".
أسرعت على التوجه لمحكمة الأسرة من أجل رفع دعوى طلاق بعد ما شعرت بالقلق الشديد على أولادها الصغار ولا تزال الدعوى منظورة في المحكمة حتى الآن.
تابع أحدث الأخبار عبر
