شروق أمام محكمة الأسرة: جوزي طفش من 6 سنين وانا حامل ومش عارفة أطلع شهادة ميلاد لبنتي
محكمة الأسرة كانت آخر حل لجأت إليه «شروق» بعد ما اختفى زوجها في يوم من الأيام تاركها هي وطفليها وحدهم بعد ما أذاقها ألوان العذاب إثر تطور إدمان الزوج للمخدرات بطريقة مفرطة حتى أصبح شخصا آخر.
ضرب وإهانة تحملتهما الزوجة، فكانت تصبر في البداية على أمل تغير حال زوجها، ولكن كان يزيد في إدمانه للمخدرات، حتى استيقظت في يوم من الأيام، ووجدت أن زوجها اختفى، ولا تعرف له طريقا، وتركها وهي معها طفلها على كتفها وابنتها حامل فيها وعلى وشك ولادتها، ووجدت نفسها أما وأبا لطفليها ومتحملة كل مسئوليتهما، ولجأت في النهاية لمحكمة الاسرة لتستطيع إعطاء ابنيها حياة أفضل.
اقرأ أيضا
سابني وانا حامل في 6 شهور
قالت «شروق»: اتجوزت جواز صالونات، جبت منه ولد عنده دلوقتي 17 سنة، وبنتي عندها 6 سنين. جوزي سايبني حامل فيها وهي 6 شهور، وأنا اللي ربيت وكبرت وصرفت عليهم، قبل ما يمشي بسنتين بقى يشرب مخدرات، ومن ساعة ما بقى يشربها وهو بقى واحد تاني مش زي الأول، حاولت معاه كتير إني أصلحه وأخليه يتعالج، لكن مفيش فايدة معاه.
شفت معاه ضرب وإهانة وبهدلة بسبب المخدرات
تابعت «شروق»: كان بيشرب المخدرات، ويعمل معايا مشكلة على أي حاجة.. قليل الأدب يضربني ويهينني ويبهدلني، وكنت عايشة وبستحمل عشان خاطر العيال، وكنت بشتغل واصرف على العيال، وهو كان بيشتغل ويصرف فلوسه على المخدرات.
اقرأ أيضا
راح ومرجعش ومسابلناش جنية في البيت
أضافت «شروق»: صحيت في يوم لقيت جوزي مش موجود.. اختفى.. راح مرجعش.. مشي وسابنا من غير أي فلوس أو أي حاجة، معرفش مكانه فين لحد دلوقتي، وعشت أنا وصرفت على عيالي وربيتهم. اتطلقت بدعوى خلع. مشكلتي إني مش عارفة أطلع شهادة ميلاد لبنتي، كان معايا محامي، وقال لي متقدريش تطلعي شهادة من غير أبوها. دلوقتي مش عارفة اعمل أي حاجة. معيش فلوس أجيب محامي. جيت المحكمة عشان ألاقي 10 جنية النفقة، بس أقدر أروح بيها.
تابع أحدث الأخبار عبر
