شهد في دعوى خلع: لو مجبتلوش سجاير يضربني وبيخليني اشتغل عشان أكل عيالنا
قضية أخرى في محكمة الأسرة كان سببها المخدرات، حيث دمرت المخدرات أسرة «شهد» تلك السيدة التي كانت ترفض العرسان إذا اكتشفت أنهم مدخنين، وخدعها زوجها أنه الشخص المثالي لها واكتشفت في النهاية أنه مدمن للمخدرات.
تزوجت «شهد» وبعد زواجها بفتره علمت أن أكبر مخاوفها في الحياة تحققت عندما اكتشفت أن زوجها أبو بناتها مدمن للمخدرات، حاولت «شهد» أن تعالج زوجها، وتنقذ بناتها لكن زوجها كان مصمم على أن يترك المخدرات تدمر حياتهم وجعل زوجته تلجأ في النهاية لمحكمة الأسرة لتنهي هذا العذاب وتنقذ نفسها وبناتها.
اقرأ أيضا
ضربني بالسكينة مرة بسبب المخدرات
قالت شهد: اتجوزت في 2011 بعد قصة حب كبيرة بيني وبين جوزي وجبت منه بنتين وبقالي سنتين سايباه، الحياة بينا كانت عادية ومكنش في مشاكل لحد من خمس سنين اكتشفت إنه بيشرب مخدرات وأنا عندي عقده منها بكره دخان السجاير أصلًا، لما عرفت حاولت على طول أعالجه ودخلته مستشفيات حكومي عشان يتعالج لكن مفيش فايدة، كان بيشرب حشيش وبرشام وبعدين بقى يشرب ايس بيغيب العقل وخلاه واحد تاني مش في وعيه دايما ضربني بالسكينة مرة بسبب المخدرات.
بينام في البيت وأنا اللي بصرف عليه
تابعت الزوجة: “في أول الجواز أنا قلت أشتغل وأساعده رغم إنه رفض لكني اقنعته، بعد كدة بقى ينام في البيت وأنا اللي بصرف عليه وعلى العيال، كان بيشتغل ويصرف فلوسه ع مزاجه، ولما يبقى مش معاه يروح يستلف من الناس ويقولهم عايز فلوس أجيب لأمي الكفن وأمه عايشه، أو أن عياله عيانين ومحتاجين علاج لكنهم كويسين”.
اقرأ أيضا
لو مجبتلوش علبة السجاير يضربني
أضافت شهد: “5 سنين عايشه في العذاب ده وحاولت كتير معاه أقوله أعد وبطل عشان العيال لكن مفيش فايدة، لما اشتكيت لأخته قالتلي استحملي كله بيشرب حتى جوزي، أمه راضية باللي هو بيعمله، الحياة معاه بقت صعبة وصل لمرحلة لو مجبتش علبة السجاير يضربني عشانها، لحد ما زهقت وقررت أنه كفاية كدة ولازم اسيبه”.
شهد : جوزي بيقولي احبسيني أنا مش فارق معايا
أنهت شهد كلامها وقالت: “من ساعة ما سيبته مبيشوفش بناته ولا بيسأل عليهم، بكلمه بالأيام عشان يجي يشوفهم ميرضاش يرد عليهم أصلًا، ودلوقتي رفعت دعوى نفقة لأنه مبيصرفش عليهم أنا اللي بصرف عشان مقدرش اشوف عيالي محتاجين حاجة ومجبهاش كفاية إن أبوهم مبيسألش فيهم أنا بشتغل عشان خاطرهم وأجيبلهم اللي هما عايزينه، لما اتكلم معاه يقولي هاتي العيال وأنا اللي أصرف عليهم وأنا عارفة إني لو اديته العيال هيموتوا، وحتى لما عرف إني رفعت عليه دعوى خلع ونفقة في محكمة الأسرة قالي احبسيني أنا مش فارق معايا”.
تابع أحدث الأخبار عبر
