«باع العفش».. سناء في دعوى خلع: هددني بالسكينة عشان عايز فلوس للمخدرات
كابوس المخدرات يجعل العديد من السيدات يلجأن في النهاية لمحكمة الأسرة بعد محاولات عديدة في معالجة ازواجهن ليحافظن على بيوتهن، ولكن عندما تبوء محاولاتهم بالفشل يستسلموا وكل ما يريدونه هو الهروب من هذا الجحيم بأي شكل.
تزوجت «سناء» وهي مازالت فتاة في سن الـ18، وكانت تحلم أن تدخل بيت الزوجية مع زوجها وتنجب أطفال تربيهم تربية حسنة، وبعد زواجها بسنوات ورزقها الله بنعمة الأطفال، بدأ زوجها في التغيير وأصبح شخص أخر وعندما اكتشفت إنه مدمن للمخدرات حاولت أن تعالجه وتقف بجانبه، ولكنها اكتشفت انها لا تستطيع أن تكون فرد في هذه الحرب وقررت أن تلجأ في النهاية لمحكمة الأسرة حتى تنهي هذا الجحيم مع زوجها.
اقرأ أيضا
جوزي مدمن بودرة
قالت «سناء»: اتجوزت 14 سنة وكنت وقتها عيلة صغيرة معرفش حاجة عندي 18 سنة، تقدملي وكان كويس وأهلي اقنعوني بيه ووافقت، خلفت منه 3 عيال، الحياة في الأول كانت طبيعية ومفيش مشاكل غير العادية وكان كويس معايا ومع عياله، لحد ما كل حاجة تغيرت من 5 سنين بس، لما اكتشفت إنه مدمن مخدرات بيشرب حشيش وبيتعاطى بودرة.
هددني بالسكينة عشان عايز فلوس للمخدرات
تابعت الزوجة: من ساعة ما عرفت وحاولت بكل الطرق إني أعالجه ونرجع زي الأول لكن مفيش فايدة، وديته مصحة يتعالج مفيش شهور ورجع أسوأ من الأول، لحد ما وصل أنه بيضربني ويبهدلني، بقى يبيع عفش البيت عشان يجيب بيه المخدرات اللي عايزها، في أخر مشكلة بينا اللي قررت اسيبه بسببها رفع عليا سكينة أنا وولادي بسبب انه بعد ما باع عفش البيت عايز يجيب أجهزة بالقسط وانا اضمنه وياخدها ويبيعها عشان المخدرات، لما رفضت هددني انه يقتلني.
اقرأ أيضا
«سناء»:لا بيصرف علينا ولا سايبني اشتغل واصرف
أضافت «سناء»: سيبته لما خفت انه يعمل في حاجة أنا وولادي، طلبت منه الطلاق رفض، ورفعت دعوى خلع عشان أخلص منه ومن ساعة ما عرف إني رفعت عليه دعوى خلع، هددني بأخواتي إنه هيأذيهم، وعملتله محضر بالتعدي عشان الحقهم منه، مبيصرفش على العيال ولا عليا خالص اضطريت انزل اشتغل عشان أعرف أصرف على العيال، راح عملي مشكلة في المكان اللي بشتغل فيه وهدد صاحب المكان انه يمشيني ومشاني فعلا، لا بيصرف علينا ولا سايبني اشتغل واصرف، دلوقتي رافعة خلع ونفقة عشان أعيش انا وولادي مرتاحين، وعرفت أنه بيبيع الشقة بالعفش اللي فيها عشان يعزل ومعرفش اوصله.
تابع أحدث الأخبار عبر
