«عرف طريق المزاج».. أمل في دعوى طلاق:"لو مزاجه مش رايق بيضربني علقة موت"
حياة هادئة عاشتها أمل مع زوجها في عش الزوجية لمدة 5 سنوات دون مشكلات ولكن الحياة كلها انقلبت بعدما حدثت مشكلات في العمل مع الزوج أدت لتكاسله عن العمل ورفضه البحث عن فرصة عمل آخر واختار أن يكون سواق ومن هنا بدأت المشكلات والخلافات التي جعلت الزوجة تلجأ لمحكمة الأسرة وتنقذها منه.
توقعت أمل أن الاستقرار الذي عاشته في أول خمس سنوات انه يستمر طويلا ولكن للاسف سريعًا ما تحول لصراعات بينهما يوميًا بسبب اتجاه للمخدرات، بدأت الزوجة حديثها: "اتجوزنا وهو كان شغال في شركة قطرية محترمة والدنيا ماشية تمام بس حصل مشاكل في الشركة وقعد في البيت قعد فترة مش راضي ينزل يشوف شغل تاني في شركة تانية، ولقيت الفلوس اللي كان محوشها اشترى بيها توك توك وهيشتغل عليه".
كسل يدور على شغل وجاب توك توك يشتغل عليه
في البداية رفضت الزوجة عمل الزوج كسواق بحكم أنه كان يعمل في شركة كبيرة، ولكنها عندما وجدت أنهم في حاجة للأموال من أجل أولادهما لم تتردد طويلًا، وبدأ العمل ولكن صاحب العمل مشكلات كثيرة منها أنه عرف طريق المخدرات ما أدى لوجود مشكلات باستمرار بينهما.
تابعت: "مكنتش موافقة على شغل سواق التوك توك دا بس مكنش في حل غير كدا، وبدأ فعلا يشتغل ومن ساعة ما بدأ يشتغل والدنيا معانا باظت بسبب معاملته اللي اتغيرت وأنا مش عارفة ايه السبب وتلكيكاته اللي ليل ونهار دي".
منذ بداية عمل الزوج كسواق وهو تغير من ناحية المعاملة والأسلوب وكل شئ على حسب ما قالته الزوجة واستكملت حديثها قائلة: "طريقة كلامه ولبسه وكل حاجة اتغيرت وبقى عصبي طول الوقت وبيضربني كتير على أتفه الأسباب، لو التوك توك مثلًا لو التوك توك باظ يجي يضربني أنا من غير ما أعمل أي حاجة، لو قاعد وحس نفسه مضايق يقوم يضربني"
بيقول لي انزلي انتي اشتغلي
أضافت الزوجة: "بعد فترة عرفت إنه بيشرب مخدرات حاولت أتكلم معاه اخليه يبطل بس قالي دي سجاير ملفوفة بس مش حاجة تانية، وطنشت بس بقا مش راضي يصرف على البت عشان كل الفلوس اللي معاه بيروج يجيب بيها السجاير".
تابعت: "انا اصلا بدي دروس في البيت عشان اساعد بس لما هو مبقاش عايز يصرف عشان بيصرف الفلوس على السجاير الملفوفة وكل ما أطلب منه أي مصاريف يقول لي انزلي اشتغلي انتي واصرفي على البيت الدروس دي مبتأكلش عيش"، توجهت الزوجة لمحكمة الأسرة ورفع دعوتي نفقة وطلاق للضرر على زوجها ولا تزال الدعوتان منظورتان حتى الآن.
تابع أحدث الأخبار عبر
