هدى في دعوى خلع: بعد كتب الكتاب بيوم عرفت إنه عليه أحكام
أحلام سعيدة خططت لها "هدى" في عش الزوجية الذي ستسكنه مع زوجها، ولكن كل الأحلام تحطمت في ثاني يوم من كتب الكتاب، بعدما اكتشفت أن زوجها عليه أحكام كثيرة منها مخدرات وسرقة، وكانت لا تعلم أي شيء عن هذه الأشياء لأنه كان يرسم عليها دور الرجل الصالح.
رسم علينا دور المحترم
لم تكمل تجهيزات الفرح وانقلب فرحها لحزن تريد أن تتخلص منه باي طريقة، وكانت الطريقة الأسلم هى رفعها لدعوى خلع، استهلت هدى رواياتها: "جالي عشان يتقدم صالونات عادي، وأنا مكنتش عارفاه، بس كان باين عليه إنه حد كويس ومحترم، اتخطبنا وطول فترة الخطوبة وهو كويس معايا الصراحة، لا بيزعلني، ومعاملته معايا كانت أحسن معاملة"، أضافت: "العيلة كلها كانت بتحبه وبابا وماما كمان كانوا بيحبوه أوي وبيعتبروه زي ابنهم، وبيتعاملوا معاه كأنه واحد من العيلة، هو كمان كان بيحبهم أوي، وبيقول لي دايمًا إنه بيتعبرهم زي أبوه وأمه".
من تاني يوم في كتب الكتاب عرفت إنه عليه أحكام
ظل الاستقرار يحاوط علاقتهما وكانت هدى ملتفتة لتجهيزات الفرح ولا يتبقى إلا فترة قصيرة على زفافهم، قرروا أن يكتبوا الكتاب قبل الفرح حتى يكملوا باقي التجهيزات، وبالفعل تم كتب الكتاب وكان هو بداية التحول الكبير في حياتهما، أضافت هدى: "كان لسه فاضل تجهيزات كتير على الفرح، وهو قال نكتب الكتاب دلوقتي وبعدين لما باقي الحاجات تجهز نعمل الفرح، أهلي وافقوا وكتبنا الكتاب عادي بس تاني يوم على طول كل حاجة باظت".
استكملت: "لحد يوم كتب الكتاب كانت كل حاجة ماشية تمام، وهو كويس معايا ومفيش أي مشكلة، بس تاني يوم بعد كتب الكتب على طول لقيت حد بيكلمني وبيقول لي ازاي تتجوزي واحد زي دا عليه أحكام أنا مصدقتش، وعرفت أهلي اللي أنا سمعته وهما اتأكدوا إن الكلام دا صح، وهو فعلًا عليه أحكام في قضايًا كتير منها مخدرات وسرقة".
دعوى خلع
قرر أهل الزوجة أنه يطلقها ولكنه رفض بشدة ما جعلهم يلجأون لمحكمة الأسرة لرفع دعوى خلع، لينقذوا ابنتهم قبل أن تقع في المعاناة معه وحدها، انهت هدى حديثها قائلة: "أهلي أول لما عرفوا كدا طلب منه على طول إنه يطلقني بس هو رفض، ولقينا واحد تاني خالص غير اللي اتقدملنا ومصمم إنه ميطلقش، ولما شافوه مصمم إنه ميطلقش قالوا لي أرفع دعوى خلع، جيت ورفعتها بقالي 3 شهور، ولس ماشية في إجراءات القضية".
تابع أحدث الأخبار عبر
