واحدة من أغرب القضايا.. بعد اعتراف زوجته بالخيانة قرر يرجعها لسبب عجيب
في واحدة من أغرب الدعاوى تقدم رجل برفع قضية نسب لابنته التي أنجبتها زوجته؛ لأنه غير قادر على الإنجاب، وكان يعالج ليستطيع أن ينجب، وبعد اعتراف الزوجة وعشيقها بحدوث الخيانة كان رد فعل الزوج أغرب من المتوقع.
“الزوج كان مبيخلفش وبيتعالج”
قالت المحامية عن قضية النسب: الزوج رفع على زوجته دعوى زنا ودعوى إثبات نسب، اتجوزوا 6 سنين، ومن أول الجواز والزوج عنده مشكلة في الخلفة، وكان بيتعالج بقاله فترة ببتعالج عشان يقدر يخلف، الزوجين في الأول ما كانش فيه مشاكل بينهم لحد ما الزوجة بدأ يبان عليها علامات وتصرفات بقت غريبة، والزوج بدأ يشك فيها.
“الزوج كان عارف إن مراته بتخونه”
وتابعت المحامية: الزوج كانت أمه ممشياه وبيسمع كلامها في كل حاجة، ومبياخدش قرار لوحده أبدا، شكوك الزوج اتأكدت إن مراته بتخونه لما كان بيطلع شقتهم يلاقي الباب مقفول ومبيعرفش يفتحه ويسيبه وينزل، ومبيعملش حاجة.
في يوم فاجأت الزوجة زوجها بخبر حملها، وكانت تظن أنه سيفرح؛ لأن مشكلتهما في الإنجاب تم حلها، وسيصبحان عائلة، لكنها لم تعلم أن الزوج بالفعل يعرف خيانتها له، وأنه ما زال غير قادر على الإنجاب.
اقرأ أيضا
“اعتراف الزوجة والعشيق بالخيانة”
وأضافت المحامية: بعد ما الزوجة قالت لجوزها إنها حامل، وخلفت وجابت بنت، ساب لها البيت، وقرر إنه هيسيبها ومش هيكمل معاها، وهيرفع عليها قضية زنا؛ لأنه ما بيخلفش، وبالفعل رفع عليها القضية، ورفع عليها دعوى نسب عشان يثبت إن نسب البنت مش ليه وإنها مش بنته، وبعد فترة اعترفت الزوجة بأنها فعلا كانت بتخونه، واعترف عشيقها إنه كان على علاقة بيها من وهي متجوزة.
“الزوج كان عايز يرد الزوجة رغم أنها بتخونه”
وفجرت المحامية قنبلة لـ الحادثة عندما قالت: لما الزوجة وعشيقها اعترفوا بأن بالخيانة حصلت، لكن محصلش بينهم علاقة كاملة، واللي أثبت إن البنت مش بنت العشيق تقرير الطب الشرعي، وإنها بنت الزوج فعلا، والعلاج اللي كان بيتعالجه جاب نتيجة فعلا، وبقى بيخلف، والمحكمة أثبتت البنت للزوج، بعد كده الزوج قال للزوجة أنا عندي استعداد أرجع لك عادي وكأن ما حصلش حاجة بعد المحاكم والخيانة وكل اللي حصل.
تابع أحدث الأخبار عبر
