«بوظوا حياتنا».. نيرة في دعوى طلاق: “أبوه وأمه ادوني علقة موت”
مشادات سكنت عش الزوجية من السنة الأولى في الزواج بسبب أهل الزوج الذين يتدخلون في أمورهما الخاصة قبل العامة جعلت الخلافات تتصاعد بطريقة جعلت الزوجة تفكر في الانفصال أكثر من مرة ولكن في كل مرة كانت تتراجع.
أصبحت فكرة الانفصال حتمية بالنسبة للزوجة بعدما تمادت الأمور ولجأ أهل الزوج لضرب الزوجة ضرب مبرح نتيجظة خلافات طبيعية بينها وبين زوجها.
"أهله بيتدخلوا في كل حاجة بينا من أول الجواز وأمه مطلعة عيني وبقا كل شوية يحصل مشاكل بينا وسبت البيتكتير بس كنت بقول أرجع والم الدنيا عشان مخربش البيت بس خلاص مبقتش قادة استحمل خلاص العيشة دي بالذات بعد أمه وأبوه ضربوني"، بهذه العبارة بدأت نيرة حديثها حينما بدأ تروي قصتها للقاضي بعد ما رفعت دعوى للتخلص من الحياة التي لا تشعر فيها بأي خصوصوية بسبب أهل الزوج الذين يتدخلون في الصغيرة والكبيرة بطريقة مبالغ فيها تزداد يوم بعد يوم.
من أول الجواز وأهله بييتدخلوا في كل حاجة
كانت تبذل الزوجة أقصى جهدها حتى لا تخرب بيتها التي حلمت بأن تسكنه السعادة ولكن للأسف لا تسكنه إلا المشكلات والمشادات ليل نهار.
تابعت الزوجة: " في الأول مكنتش برضى أعمل المشاكل بس أهله بيتدخلوا في كل حاجة بطريقة مستفزة حتى في الأكل هما اللي بيقولوا ناكل إيه ومنأكلش إيه، وكل ما أكلم جوزي يقول لي براحتهم ويعملوا اللي هما عايزينه".
أضافت: "عديت مرة واتنين عشان أمشي الدنيا بالذات بعد مخلفت الواد قلت أحاول الم الموضوع بس الموضوع مبيتلمش بسببهم، وحتى لما بنتخانق بدل مايهدواالادنيا بينوا بيولعوهااكتر ويسخنوه عليا لحد مبقاش طايقني ولا طايق لأي كلمة".
أبوه وأمه ضربوني علقة موت
أكملت" نيرة" رواية قصتها قائلة: "بقينا نتخانق أنا جوزي كتير عشان بيسخنوه علي طول الوقت، كنت بكبر دماغي في الاول وأقول هو مش هيسمع كلامهم، بس بعد فترة بقى يتأثر بكلامهم وبيتخانق معايا طول الوقت".
تابعت: "في يوم نزل جوزي للشغل ولقيت أبوه وأمه طلعوا لي وأنا مش فاهمة في إيه ومن غير أي حاجة راحو ضربوني هما الاتنين وكنت هموت في إيدهم، مكنتش عارفة أعمل أي حاجة، كنت عايزة اروح بيت أهلي بس هما حبسوني ورفضوا أي انزل من البيت".
ظنت الزوجة أن الزوج يقف بجانبها ولكنه لم يفعل أي شيء وهذا هو الذي جعلها تفكر جديصا في الانفصال ما جعلها تلجأ لرفع دعوى طلاق منذ 5 شهور ولا تزال الدعوى منظورة في المحكمة.
تابع أحدث الأخبار عبر
