وفاء في دعوى خلع: "جسمي باظ من سلك الكهرباء اللي بيضربني بيه"
8 سنوات من اللامبالاة عاشتها وفاء مع زوجها بسبب تعاطيه المخدرات التي حولت حياتهما لخلافات ومشكلات بشكل دائم في كل مرة كانت تنوي الزوجة على الانفصال تضع أولادها أمامها وتحاول إعطاءه فرصة أخرى ولكن كل الفرص بأت بالفشل وانتهى بها الحال في محكمة الأسرة ورفع دعوى خلع.
حياة تعيسة عانت منها وفاء طوال الـ 8 سنوات وهى على أمل إصلاح حال زوجها ولكنها مخطئة لأن الأمور تفلتت من يديها وأصبحت لا تطيق العيش معه يوم واحد فقط بعدما أدركت أنها في خطر هي وأولادها بسبب الزوج الذي لا يلتفت لمصلحة زوجته وأولاده.
بيضربني بسلك الكهرباء
استهلت الزوجة رواياتها: "كان بيشتغل في شركة محترمة وطول فترة الخطوبة وأنا مشوفتش منه حاجة وحشة، بس من أول الجواز وأنا شفت وش غير اللي أنا أعرفه خالص على طول ضرب وقلة أدب فيا أنا والعيال من غير سبب عشان المخدرات اللي لحست دماغه دي".
تابعت: "مشاكل كتير حصلت وأهلي تدخلوا وكل مرة امي كانت بتقول لي ارجعي عشان خاطر عيالك، وأنا بسمع كلامها وأقول البيت والعيال، بس هو مبيتغيرش برضو ولسه زي ماهو بالعكس بيزيد في ضربه ليا ووصل بيه الحال إنه يضربني بأي حاجة قدامه حتى سلك الكهرباء".
طردني أنا والعيال
تغاضت وفاء عن كافة المشكلات التي حدثت بسبب إدمان الزوج على أمل توقف عن الإدمان ولكنه كان لا يحدث شيء سوى ضربها وإهانتها طوال الوقت أماما الأطفال، استكملت الزوجة: "مكنتش بكبر المواضيع عشان خاطر العيال، بس بقى يمسيني بعلقة ويصبحني بعلقة، وأخر مرة دي ضربني وطردني برا الشقة وقال لي أنا مش عايز أشوف وشك تاني انتي والعيال".
أضافت: "خدت العيال ومشيت عند أهلي وطلبت منه الطلاق بس رفض، وأنا مقدرتش أرجع تاني بسبب اللي عامله فيا من أول الجواز، وجسمي اللي كله معلم من ضربه ليا، أمي كانت عايزة ترجعني زي كل مرة بس أنا خلاص مش مستحملة معاه يوم واحد تاني".
توجهت الزوجة لمحكمة الأسرة بالجيزة ورفع دعوى خلع بعد ما فاض بها الكيل مع زوج يهينها ويضربها ضرب مبرح لمدة 8 سنوات كاملة ولا تزال القضية منظورة في المحكمة حتى الآن.
تابع أحدث الأخبار عبر
