«عاوز يتستت».. ياسمين في دعوى طلاق: "نزلني اشتغل واستحلى قعدة البيت"
كانت تعيش "ياسمين" في بيت أهلها مع أب مثالي اخذته قدوة لها في البحث عن شريك حياتها وعندما جاء نصيبها وتزوجت ظنت أنه العوض، ولكن لم تستغرق وقتًا طويلا لكي تتأكد من اختيار خطأها.
لم تكمل الزوجة سوى شهور قليلة في عش الزوجية الذي قررت أن تتخلص منه بعدما وجدت نفسها هي المسئولة عن المنزل وعن كل المصروفات بسبب أن الزوج قرر التكاسل عن العمل.
كان واحد تاني في الخطوبة
بدأت ياسمين تري قصتها للقاضي قائلة: "كنت بحلم طول عمري اتجوز واحد زي بابا عشان كنت شايفة بيعامل ماما ازاي وبيعملنا ازاي وكان نفسي جوزي يبقى زيه كدا حنين ويراعي ربنا فينا ولما أحمد جه اتقدم شفت فيه مواصفات كتير زي بابا خليتني اتمسك بيه وابقى عايزة اتجوزه في أسرع وقت".
أضافت: "فترة الخطوبة مكنتش طويلة أوي واتجوزنابعدها على طول، أول كام شهر كان زي الفل معيا ولقيته حنين وطين والحاجة الللي أنا عايزاها بيعملها على طول من غير أي خناقات ولا أي حاجة".
عايز يقعد في البيت من غير ولا شغلة ولا مشغلة
بدأت الصورة المثالية التي رسمتها ياسمين عن زوجها تهتز، بعدما قرر التكاسل عن العمل وعدم الإنفاق على المنزل حاولت الزوجة مجاراة أمورها دون تصاعد المشكلات لعلها تجد حل لهذه المشكلة.
أضافت ياسمين: "بعد شهرين بالظبط من الجواز لقيته جاي بيقول لي أنا مش نازل الشغل تاني كنت فاكراه بيهزر بس لما لقيته قعد يوم والتاني اتأكدت إنه مش بيهزر"، لافتة: "طول في قعدة البيت ومبقاش في أكل في البيت نأكله، مرضتش اقول لحد إنه مبيصرفش وقاعد في البيت عشان ميحصلش مشاكل وأنا كنت فاكرة إنه شوية وهقنعه ينزل الشغل تاني عادي ولحد ما أقنعه هنزل أنا اشتغل عشان أصرف علينا".
أكملت ياسمين: "نزلت أنا الشغل بس عشان مكنتش بشتغل قبل الجواز تعبت جامد جدًا، وقلت له مش هتنزل الشغل تاني ولا إيه قال لي لا مش هنزل، وفضلت أنا اللي بصرف بس لما لقيته مكمل في قعدة البيت وعايزني أنا اللي أكمل أصرف على البيت وهو قاعد كدا، رفعت دعوى طلاق عشان أخلص منه".
تابع أحدث الأخبار عبر
