"خد ذهبي في أول أسبوع".. عزة: «رضيت بيه وهو أكبر مني بـ 10 سنين»
«عزة» سيدة بسيطة حلمت بالستر في بيت زوجها وتعيش حياة مستقرة معه ويرحمها من الشقا والتعب الذي عاشته في حياتها وهي آنسة، لكن تدمرت كل أحلامها وأصبحت حياتها أصعب من الأول بمراحل.
عزة : "كان بيجي البيت زي الضيف"
قريب «عزة» شار عليها بالزواج من رجل وأقنعها بالزواج منه مع إنه أكبر منها ب 10 سنين ومتزوج ولديه أطفال، ولكنه أقنعها بحجة أن العريس مقتدر ماديًا وسيريحها من شقا وتعب الشغل والدنيا، وافقت «عزة» ولم تظن أن الأمر سينتهي بها في محكمة الأسرة ومعها طفلين لتحصل على حقوقها من زوج ساقها العذاب والألم بكل الأشكال.
اقرأ أيضا
«عزة»:رضيت بواحد أكبر مني بـ 10 سنين ومتجوز
قالت «عزة»: «اتجوزت واحد أكبر مني ب 10 سنين، جابهولي واحد قريبي وقالي ده معاه فلوس وهيريحك وتعدي في البيت ومتشتغليش وافقت وقلت هتجوز وابقى ست بيت لأني اتبهدلت في الشغل والدنيا من زمان وخلاص قلت الدنيا ضحكتلي، جابلي شقة إيجار وقالي هتعدي فيها وهروح واجي عليكي بينك انتي ومراتي الأولى ووافقت وعيشت وخلفت عيلين».
اقرأ أيضا
«عزة»: خد ذهبي مني في أول أسبوع
تابعت «عزة»: «من أول الجواز وكل حاجة وعدني بيها منفذهاش، كان يبقى معاه فلوس وأطلب منه بيضربني ويبهدلني، في أول أسبوع أخد مني الدهب وباعوا عشان يجيب أكل، كان في الأول بيجي زي الضيف مش عايش معانا يجي كل كام شهر أسبوع وبعد كدة بقي كل كام سنة لحد ما بطل يجي خالص، يجي يديني 500 ولا 400 جنية كنت بشتغل ومداريه على عيبه وبقول معلش اديني عايشة أنا والعيال».
اقرأ أيضا
«عزة»: جتلي إصابة ومبقتش بشتغل خالص
أكملت «عزة» كلامها وقالت: «لحد ما جت سكينة في كتفي من المكنة في المصنع اللي كنت بشتغل فيه، وأنا بشتغل جتلي الإصابة مبقتش أعرف اشتغل تاني خلاص، من ساعتها وأنا بحاول أوصله عشان يصرف عليا أنا والعيال، لكن مفيش فايدة بقوله ابعتلي 500 جنيه حتى ومتجيش مش راضي لحد ما رفعت عليه دعوى نفقة، أنا خلفت منه ولد وبنت رماهم ولا شافهم ولا بيسأل عليهم معرفتش ادخل ابني المدرسة بسبب قله الفلوس، وهو دلوقتي مع مراته الأولى».
تابع أحدث الأخبار عبر
